زێدەترین رێژا تووشبوونا ب کۆرۆنایێ ل هەرێمێ هاتە تۆمار کرن
ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ١٥٩٧ کەس ل هەرێما کوردستانێ تووشی کۆرۆنایێ بووینە و ئەو یەک زێدەترین رێژەیە هەتا نها د رۆژەکێ دا هاتیە تۆمار کرن و هەروەسا ٢٤ نەخوشێن کۆرۆنایێ ژی مرینە.
ل پارێزگەها دهۆکێ ژی ٦٥١ کەس تووشی کۆرۆنایێ بووینە کو زێدەترین رێژەیە د رۆژەکێ دا و هەروەسا ٥ نەخوش ژی مرینە.
ل گۆر ئامارا وەزارەتا ساخلەمیێ ل هەرێما کوردستانێ ٤٧٥ نەخوشێن کۆرۆنایێ چارەسەر بووینە کو ٣٠٣ ژ وان ژ پارێزگەها دهۆکێ.
