باره‌گه‌هێ بارزانى ره‌ت كر داخوازا دو ئیداره‌یێ كربیت
ئه‌ڤرۆ نیوز:
باره‌گه‌هێ بارزانی نووچه‌یه‌كێ سایتێ دره‌و میدیا ب دره‌و ده‌رخست و ره‌تكر كو سه‌رۆك بارزانی نامه‌یه‌ك بۆ ئێكه‌تیا نشتیمانییا كوردستانێ هنارت بیت و داخوازا دو ئیداره‌یێ كربیت.
ل گۆره‌ی به‌یانه‌كا باره‌گه‌هێ بارزانی، سایته‌كی ب ناڤێ دره‌و میدیا نووچه‌یه‌ك به‌لاڤ كریه و تێدا ئاشكرا كریه، سه‌رۆك بارزانى نامه‌یه‌ك بۆ ئێكه‌تییا نشتیمانییا كوردستانێ هنارتیه و تێدا داخوازا دو ئیداره‌یێ ل هه‌رێما كوردستانێ كریه.
باره‌گه‌هێ بارزانى ئه‌و نووچه ب دره‌و ده‌رخست و راگه‌هاند، ئه‌و هه‌موو ئالییان ئاگه‌هدار دكه‌ن ئه‌و بابه‌ت دووره ژ راستیێ و سه‌رۆك بارزانى چو نامه‌یێن ژ وى جۆرى و ب وێ ناڤه‌رۆكێ نه‌هنارتینه، نه بۆ ئێكه‌تیێ و نه ژى بۆ چو ئالیێن دى.
