بریتانیا و پورتوگالێ قه‌ده‌غه‌یا ده‌ركه‌فتنێ راگه‌هاند
ئه‌ڤرۆ نیوز:
سه‌رۆكوه‌زیرێن بریتانیا قه‌ده‌غه‌یا ده‌ركه‌فتنێ بۆ چار حه‌فتییان ل سه‌رانسه‌رى وى وه‌لاتى راگه‌هاند.
بۆریس جۆنسۆن راگه‌هاند، قه‌ده‌غه‌یا ده‌ركه‌فتنێ ل سه‌رانسه‌رى بریتانیا هاته راگه‌هاندن و ئه‌و گاڤ بۆ رێگرتنێ ل كاره‌ساتێن ساخله‌میى هاتیه هاڤێتن.
جۆنسۆن ئاشكرا ژى كر، ئه‌و فرۆشگه‌هـ و مێهڤانخانێن پێدڤى نه‌بن دێ هێنه داخستن، لێ قه‌ده‌غه وه‌كو یا بهارا بۆرى نابیت، قوتابخانه، كولیژ و زانكۆ دێ ڤه‌كرى بن.
سه‌رۆكوه‌زیرێن بریتانیا ئاشكرا كر، پشتى رۆژا دویێ كانوونا ئێكێ یا ئه‌ڤساله ده‌ركه‌فتن و هاتوچوو دێ ئاسایی بن و ره‌وش دێ ڤه‌گه‌ریت وه‌كو به‌رێ.
ژ ئالیه‌كێ دى جڤاتا وه‌زیرێن پورتوگالێ ژى قه‌ده‌غه‌یا ده‌ركه‌فتنێ ل هه‌موو باژاران راگه‌هاند و داخواز ژ وه‌لاتییان كر د مالێن خوه‌دا بمینن، ب تنێ ده‌ركه‌فتن بۆ كارى یا خواندنێ یان بازاركرنێ بیت، فه‌رمان ژى ل كۆمانییان كر كارێ خوه ژ دوور ڤه بكه‌ن.
گاڤێن بریتانیا و پورتوگالێ هاتن پشتى نمرێن پیڤایى یێن تووشبوونێ ب ڤاپرۆسێ كۆرۆنایێ ل هه‌ردو وه‌لاتان هاتینه تۆماركرن.
