كۆریا باكور سه‌یرترین رێكارێن دژی كۆرۆنایێ گرتنه‌به‌ر
ئه‌ڤرۆ نیوز:
بۆ رێگریكرنێ ل به‌لاڤبوونا ڤایرۆسێ كۆرۆنایێ، كۆریا باكور سه‌یرترین رێكار گرتینه‌به‌ر، ب شێوه‌كێ دێ مینان ل سه‌ر سنۆران چینیت، بۆ هندێ داكو رێگریێ ل وان كه‌سان بگریت یێن كو ب قاچاغی دهێنه دناڤا وه‌لاتێ وان دا، ژبه‌ركو نوكه وان هه‌موو سنۆرێن خوه داخستینه.
ئاژانسا نووچه‌یێن ناڤه‌ندی یا كۆریا باكور راگه‌هاندیه، پیۆنگ یانگ، سه‌رۆكێ وى وه‌لاتىیێ رژده كو كو ب چ ره‌نگان ڤایرۆسێ كۆرۆنایێ نه‌گه‌هیته وه‌لاتێ وان، بۆ ڤێ مه‌به‌ستێ ژى بریارێن نوو داینه هێزێن پۆلیسان و سوپاى ل ده‌ڤه‌رێن سنۆرى، كو هه‌ر زوو مامه‌لێ ل گه‌ل ره‌وشه‌كا نه‌خواستى بكه‌ن.
هه‌روه‌سا گۆتیه، حكومه‌تێ پلان هه‌یه دیواره‌كێ مه‌زن ل سه‌ر سنۆران دروست بكه‌ت، هه‌روه‌سا وان راڤا ماسیان ژى قه‌ده‌غه‌كریه، داكو ب چ رێیان ڤایرۆس نه‌گه‌هیته وان.
لدووڤ گۆتنا ده‌زگه‌هێ هه‌والگیریا كۆریا باكور، كارمه‌نده‌كێ گومرگێ ل سه‌ر سنۆرى رێك ب ئینانا كه‌لوپه‌لێن چینی دایه و هاتیه سێداره‌دان، هه‌روه‌سا وان بریار دایه هنده‌ك ژ ده‌ڤه‌رێن سنۆرى مینڕێژ بكه‌ن، بۆ هندێ داكو چ كه‌س نه‌شێن ب قاچاغى بچنه كۆریا باكور.
