ئه‌ردۆغان: هیڤیه فره‌نسى ژ ده‌ستێن ماكرۆنى رزگار بن
ئه‌ڤرۆ نیوز:
سه‌رۆككۆمارێ توركیا راگه‌هاند، ئه‌و ب هیڤیه ب زووترین ده‌م فره‌نسى ژ ده‌ستێ سه‌رۆكێ خوه یێ نها رزگار بن.
ره‌جه‌ب ته‌یب ئه‌ردۆغان بۆ رۆژنامه‌ڤانان راگه‌هاند، ئێمانۆئێل ماكرۆن بۆ فره‌نسا ئاریشه‌یه، ل سه‌ر ده‌مێ ده‌ستهه‌لاتا وى ژى فره‌نسا د قۆناغه‌كا گه‌له‌ك هه‌ستیار دا ده‌رباز دبیت، هیڤیى ژى خواستن ده‌مه‌كێ نێزیك فره‌نسا ژ ده‌ستێ ئاریشێن ماركۆنى رزگار بیت.
ژ ئالیێ خوه ڤه ئێمانۆئێل ماكرۆن، سه‌رۆكێ فه‌رنسا به‌رهه‌ڤ نه‌بوو به‌رسڤا گۆتنێن ئه‌ردۆغانى بده‌ت و راگه‌هاند، وى باوه‌رى ب رێزگرتنێ هه‌یه و ب دیتنا وى زمانێ سڤكاتیكرنێ د ناڤبه‌را سه‌ركردێن سیاسى دا رێیه‌كا باش نینه.
گۆتنێن ئه‌ردۆغانى د وى ده‌مى دانه كو ئێكه‌تییا ئه‌ورۆپا دێ رۆژا ده‌هى ڤى مه‌هێ كۆم بیت و فره‌نسا ئێك ژ وان وه‌لاتانه پشته‌ڤانییا سه‌پاندنا سزایان ل سه‌ر توركیا دكه‌ت، ل ده‌مێن بوورى ژى ئالۆزى د ناڤبه‌را توركیا و فره‌نسا و هنده‌ك وه‌لاتێن دیێن ئه‌ورۆپى زێده‌بووینه، ژبه‌ر ره‌فتارێن توركیا ل رۆژهه‌اتێ ده‌ریا ناڤه‌راست و لیبیا و هه‌رێما قه‌ره‌باخ.
