هه‌ژمارا چاره‌سه‌ربوویێن كۆرۆنا گه‌هشت نێزیكی 46 ملیۆنان
ئه‌ڤرۆ نیوز:
هه‌ژمارا چاره‌سه‌ربوویێن ڤایرۆسێ كۆرۆنا ل جیهانێ گه‌هشت نزیكی چل و شه‌ش ملیۆن كه‌سان و هه‌ژمارا توشبوویان ل ئیراقێ كێمبوویه و گه‌هشتییه رێزبه‌ندییا بیست و ئێكێ.
ل گۆره‌ى خشته‌یێ لژنه‌یا چاڤدێریكرنا ڤایرۆسێ كۆرۆنا یا ئه‌ڤرۆ رۆژا ئێكشه‌مبێ، هه‌ژمارا چاره‌سه‌ربوویێن ڤایرۆسێ كۆرۆنا ل جیهانێ گه‌هشت چل و پێنج ملیۆن و نه‌هسه‌د و هه‌شتێ و چار هزار و چارسه‌د و هه‌شتێ و چار كه‌سان، هه‌روه‌سا هه‌ژمارا تووشبوویان گه‌هشتییه شێست و شه‌ش ملیۆن و هه‌شتسه‌د و هه‌شتێ و دو هزار و شه‌شسه‌د و حه‌فتێ و دو تووشبوویان.
ل گۆره‌ى زانیاریێن لژنه‌یا چاڤدێریكرنێ، تا نها ملیۆنه‌ك و پێنجسه‌د و سیه و پێنج هزار شه‌شسه‌د و شێست هه‌شت تووشبوویان ل جیهانێ گیانێ خوه ژ ده‌ستدایه.
دیار ژی كرییه، ئه‌و وه‌لاتێن زۆرترین هه‌ژمارا توشبوویێن كۆرۆنایێ تۆماركری ئه‌مریكا، هندستان، به‌رازیل، رۆسیا، فره‌نسا، ئیتالیا و به‌ریتانیا نه و هه‌ژمارا تووشبوویان ل ئیراقێ به‌ر ب كێمبوونێ یه كو ژ رێزبه‌ندیا بیستێ گه‌هشتییه رێزا بیست و ئێكێ.
