رێزانێ کلیپەکا نوو بەلاڤکر
ئەڤرۆ نیۆز، رێوار محەمەد رەشید:
سترانبێژ رێزان شێروان، کچا دەنگبێژێ بەرنیاسێ کورد (کازۆ)ی یە کو نوکە ل باژێرێ ئیستەنبۆلێ یێ وەلاتێ تورکیا دژیت د داخۆیانیەکێ دا بۆ ئەڤرۆ نیۆز دیار کر کو وێ دوهی کلیپەکا خوە یا نوو ب ناڤێ (رزگانو) بەلاڤکر و گۆت: “ئەڤ سترانە د سالێن بۆری دا ژ لایێ دەنگبێژ (شێرویێ بیرو) ڤە هاتبوو گۆتن و بەردەوام ل ڕادیۆیا ئێریڤانێ دهاتە پەخشکرن و گەلەک کەسان گوهداریا وێ دکر ژ بەر ڤێ چەندێ من ئەڤ سترانە ب هاریکاریا بابێ خوە دەنگبێژ (کازۆ)ی ب دەنگێ خوە تۆمارکرە ڤە کو ئارانجور (یەشار باشوزدەش) ب کارێ بەلاڤکرنا مۆزیکا ڤێ سترانێ راببوو و دووڤ دا من کلیپ ژی کر”.
ناڤهاتیێ ئاماژە دا وێ چەندێ کو ئەڤ کلیپە وێ ل باکوورێ کوردستانێ وێنەکریە و (زانیار ئوسکان) ب کارێ دەرهێنانا وێ ڕابوویە.
ئەڤەژی لینکێ سترانێ دشیێ گوهداریێ لێ بکەی:
https://youtube.com/watch?v=plgpFfDiHk8&feature=share
