کولیلکێ کلیپا خوە یا ئێکێ بەلاڤ کر
ئەڤرۆ، زنار تۆڤی:
سترانبێژ و شانۆکار چیچەک تەکدەمیر، بەرنیاس ب (کولیلکا حەسکیفێ) کو خەلکا باژێرێ حەسکیفێ یە ل باکورێ کوردستانێ و نوکە ل باژێرێ باتمانێ دژیت، د دیدارەکێ دا بۆ رۆژناما ئەڤرۆ گۆت: ئەڤە دەمەکێ درێژە ئەز د بۆارێ ھونەری دا کار دکەم، ھەتا نوکە من پشکداری د چەندین شانۆگەریان دا کریە، ھەروەسا سترانا ژی دبێژم و مۆزیکێ دژەنم و بێژەریێ دکەم، ھەروەسا من پشکداری د سێ کورتە فلمان و فلمەکێ درێژ دا کریە، چەندین جاران داخواز ژمن ھاتییە کرن پشکداریێ د فلمێن سینەمایی دا بکەم ل کوردستانێ، بەلێ ھەتا نوکە دەلیڤە پەیدا نەبوویە.
ناڤھاتیێ گۆت: ل چەند رۆژێن بۆری وێ من سترانا خوە یا ئێکێ ب ناڤێ (شامیرانێ) کو سترانەکا فولکلۆری یە بەلاڤکریە، کو ب شێوێ دویت ب ھەڤکاریا گرۆپێ دەفژەنێن حەسکیفێ، ل باتمانێ ھاتیە کلیپکرن، ئەز پتر حەزژ ئەکتەریێ دکەم، ھەروەسا گەلەک حەز ژ سترانێن فولکلۆری و یێن ھونەرمەندێ نەمر محەمەد شێخۆی دکەم، و من ل بەرە د ئەڤ سالە داچەند سترانێن نوو چێکەم.
