ھەردەم ڤییایە نوویاتیا د کارێن خوە دا بکەت
ئەڤرۆ، زنار:
سۆلاڤ ھابی، کو نوکە قۆتابییە ل قۆناغا چارێ پشکا شێوەکاری ل کۆلیژا زانستێن مرۆڤایەتی ل زانکۆیا دھۆکێ، د دیدارەکێ دا بۆ رۆژناما ئەڤرۆ دیارکر کو بۆارێ شێوەکاری گەلەک یێ جودا و گونجایە بۆ کچ و ژنان، دشێن د ڤی بۆاری دا شیانێن خوە دەربێخن، ھەروەسا مالباتا من گەلەک ل گەل من د ھاریکار بوون، کو ئەز ل ڤێ پشکێ بخوینم، دیسان مامۆستایێن من ژی ھاریکاریەکا مەزن بۆ من کرییە، ھەردەم من ڤییایە نوویاتیا د کارێن خوە دا بکەم. ناڤھاتییێ گۆت: ناڤەرۆکا پرانیا کەڤالێن من ریالیزمی نە، ھەر چەندە من کەڤالێن سرۆشتی و پۆرترێت ژی چێکرینە، لێ نوکە ئەز پتر کەڤالێن ریالیزمی چێدکەم، دیسان د نوکە کچ ژی شییایە خوە د بۆارێ شێوەکاریێ دا ب بینیت و شیاینە کارێن باش ژی ئەنجام بدەن، ھەروەسا جڤاک ژی پشتەڤانیێ ل کچان دکەن، کو د بۆارێ شێوەکاریێ دا بخوینن،دیسان ڤەکرنا پێشانگەھێن شێوەکاری دبیتە ھاریکاریەکا مەزن بۆ مە و ئەم ژی دشێین ب رێیا وان پێشانگەھان کارێن خوە نیشا خەلکێ بدەین و دیسان خەلک ژی ب رەنگەکێ باشتر و ژ نێزیکڤە کارێن مە دبینن، ھەروەسا ھەتا نوکە من چەندین کەڤالێن خوە فرۆتینە.
