فلمەکێ سینەمایێ یێ ل دھۆکێ دھێتە چێکرن
ئەڤرۆ، عەلی حاجی:
ھونەرمەند سامان موستەفا، د دیدارەکێ دا بۆ رۆژناما ئەڤرۆ دیار کر کو ل گەل دەرھێنەرەکێ بەرازیلی و پورتۆگالی ئەو مژوولی چێکرنا فلمەکێ سینەمایی نە ل پارێزگەھا دھۆکێ و ئەو وەکو ئەکتەر و ھاریکارێ دەرھێنەری پشکدارە د وی فلمی دا.
سامانی گۆت: ناڤەرۆکا وی فلمی ل دۆر پەیوەندیکرنا کچەکا ئورۆپی یە ب رێکخراوا تیرۆریستیا داعش کو پشتی پەیوەندیێ ب وێ رێکخراوا تیرۆریستی دکەت پەشیمان دبیت و دخوازیت ڤەگەریتە وەلاتێ خوە، د وی دەمی دا رۆلێ من دەست پێ دکەت وەکو سەربازەکێ عیراقی و کارێ من ژی پاراستنا وێ کچا ئورۆپی یە کو ھەتا دگەھیتە وەلاتێ خوە و گەلەک جاران ژی ئەز تووشی زەحمەتێ دبم ژ ئەگەرێ لێک تێنەگەھشتنا دناڤبەرا من و وێ کچێ دا، ئەڤ فلمە ب رێیا کۆمپانیا میتۆس ل کوردستانێ دھێتە ب رێڤەبرن، و من مفایەکێ باش ژ کارێ وی دەرھێنەری دیتیە، ژبەر کو د ھندەک کاران دا گەلەک ل سەر راوەستیت و ئەڤە ژی بۆ من مفایەکێ باشە.
