پشتی بەرنامێ کلیل ب دووماھی دھێت دێ بەرنامەکێ ئابووری پێشکێش کەت
ئەڤرۆ، عەلی حاجی:
پێشکێشکار (ژیمان مەحمود) د دیدارەکێ دا بۆ رۆژناما ئەڤرۆ دیارکر کو بەری نوکە گەلەک کەنالان داخواز ژوێ کرینە کو ل گەل وان کار بکەت بەلێ وێ دخواست زێدەتر بەرنامەکێ پێشکێش بکەت مفایەکێ باش ھەبیت نەکو بەرنامێن خۆشی پێشکێش بکەت ژبەر ھندێ وێ ل گەل کەنالەکێ ئاسمانی دەست ب بەرنامەکێ ئابووری کری یە.
ژیمانێ گۆت: ب رێیا بەرنامێ خوە یێ نوو ل گەل کەنالێ کوردستان تیڤی کو بەرنامەکێ ئابووری یە د ناڤ بەرنامەی دا کەسانێن بزنسمان کو خودانێن پرۆژێن مەزنن ل کوردستانێ مێھڤان دبن کو ب رەنگەکێ ئایا بۆچی د ناڤخۆ دا ژبەر چ ئەم کەلوپەلێن وان پێدڤی پێ ھەیی دروست ناکەین دا کو ئەو پارێ ل بەر دەستێ وان نەچیتە ژدەرڤە و بمینیتە ل کوردستانێ یان ژی ئەو تشتێن ل کوردستانێ ھەین ئەم فرێکەینە ژ دەرڤە، بەرنامەی ژی چەندین مەرەم پێ ھەنە کو گرنگترین مەرەم ژی ئەوە ھەر ژ کارمەندێن وان کەسانێن بیانی نەبن کو پتر خەلکێ کوردستانێ بن یان ژی ئەو کەسێن بیانی یێ شارەزا کەسانێن کورد ل گەل وان بن دا کو زێدەتر شارەزایی بۆ وان دروست ببیت و لدویڤ دا کار بکەڤیتە دەستێ وان دا و ھەر دیسان کەسانێن دەست کورت یانژی خودان پێدڤیێن تایبەت یانژی ژنەکا بێ زەلامە ئەو بزنسمانە پروژەکێ بچووک بدەتە وان کەسان دا کو بشێن ژیانا خوە پێ دەرباز بکەن، ھەر ب رێیا ڤی بەرنامەی ژی مە ل گەل خودان پرۆژەیان ژی ئاخفتی یە کو ھاریکار بن ل گەل حکومەتێ کو گەنجێن خودان باوەرنامە بن ل دەڤ وان کار بکەن.
