٤٠ سالە ئەڤ کامیرە ل مال پاراستی
ئەڤرۆ، ئەسعەد رێکانی:
ئەڤ کامیرا دوێنە دا دیار بۆ دەمێ ٤٠ سالانە ل دەف ولاتیەکی ھاتیە پاراستن و ب گۆتنا وی ژبەرکو وی گەلەک وێنێن جوان بڤێ کامیرێ گرتینە و بیرھاتنێن خۆش و نەخۆش پێ وێنەکرینە، لەورا ل دەف خوە پاراستیە و سەبرا وی پێ دھێت.
حەجی تەمەر ھیلی، کو نوکە دژیێ ٧٦سالیێ دایە و ئاکنجیێ کومەلگەھا سیریێ یە یا سەر ب ناحیا شێلادزێ ڤە، د دیدارەکێ دا بۆ رۆژناما ئەڤرۆ گۆت: دەمێ ل سالا ١٩٨١ ئەزچوویمە حەجێ من ل وێرێ ئەڤ کامیرە ب نێزیکی پێنج دینارێن سوبسری کری و ئینا مال و دەمێ ئەز گەشتیم من وێنە بۆ مال گرتن و گەلەک کەیفا مە ب وان وێنان ھات و ئێدی ل ھەموو سەیران و ھەلکەفتان مە ئەو کامیرە ل گەل خوە دبر و ھەتا نوکە ژی پتریا وان وێنا ل دەف مە ماینە، لەورا من کامیرە ل دەف خوە پاراستیە، بۆ زانین دەمێ من ئەڤ کامیرە ئینای ل وی دەمی گەلەک کەسان ژنوو ئەڤ جۆرێ کامیرێ دیتن، چنکو دەمێ مرۆڤی وێنەک دگرت ئێکسەر دەردکەفت، ئانکو مە فلم نە دبرە وێنەشۆیێ و دگۆتنا کامیرا (فەوری) ئانکو ئێکسەر وێنە دەردکەڤیت.
