بایدن: سزایێن ل سەر ئیرانێ ناھێنە راکرن
ئەڤرۆ:
جۆ بایدن سەرۆکێ ئەمریکا بۆ جارا ئێکێ بەحسێ رێککەفتنا ئەتۆمی یا ل گەل ئیرانێ کر و راگەھاند کو ھەتا ئیران ھەموو خالێن رێککەفتنا ئەتۆمی بجە نەئینیت و دەستان ژ ئالۆزکرنا رەوشا رۆژھەلاتا ناڤین بەرنەدەت سزایێن کو بەری نھا ل سەر ئیرانێ ھاتینە سەپاندن ناھێنە راکرن.
سەرۆکێ ئەمریکا ئەو یەک ژی دیار کر کو دڤێت ئیران پیتاندنا یۆرانیۆمێ ژی بدەتە راگرتن وی دەمی ئەمریکا بەرھەڤە ل گەل ئیرانێ دەست ب دانوستاندنان بکەت.
ل ئالیێ دی محەمەد باقر قالیباف سەرۆکێ پەرلەمانێ ئیرانێ ژی راگەھاند کو ئیدارا نوو یا ئەمریکا ب سەرۆکاتیا جۆ بایدن دڤێت بەردەوامیێ بدەتە سیاسەتا ترامپی و ژ بەر ھندێ ژی دانوستاندنێن ل گەل ئەمریکا چو ئەنجامێن خوە بۆ ئیرانێ نابن.
