چارەنڤیسی وەرزێ نوو یێ خولا کوردستانێ دیار نینە
ئەڤرۆ،
جێگرێ سەرۆکێ ئێکەتیا باسکت بۆلا ھەرێما کوردستانێ بۆ رۆژناما ئەڤرۆ دیارکر کو چارەنڤیسێ وەرزێ نوو ٢٠٢١ یێ خولێن باسکت بۆلا کوردستانێ دیارنینە و چاڤەڕێ دووماھی بەرسڤا وەزارەتا رەوشەنبیر و لاوان و حکومەتا ھەرێمێ نە بۆ ئێکلاکرنا بابەتێ چالاکیان.
زێدەتر جەھوەر عەزیز گوت: ئەڤە زێدەتری چار سالە ئەم بزاڤا دکەین چالاکیێن خوە لسەر ئاستێ ھەرێما کوردستانێ ڤەگەڕینین و دوبارە گەنج و لاوێن مە دەست ب حەزا خوە یا یاریا باسکت بۆلێ بکەن، لێ مخابن نەبوونا بووچەکێ تایبەت بۆ ڤان چالاکیان ژلایێ حکومەتا ھەرێمێ ڤی بوویە ئەگەر ئەم بیێ ھیڤی بووینە و نەشیاینە چو بکەین، ھەرچەندە داخوازیێن مە بۆ دابینکرنا دارایی گەلەک د کێم بوون ھەمبەری ئێکەتیێن دی ئەوێن د نوکە دا چالاکیێن خوە دکەن، لەورا بۆ وەرزێ نوو مە ھندەک پێنگاڤێن دی ھاڤێتینە ژوانا ل گەل وەزیرێ رەوشەنبیری و لاوان و لژنا وەرزش و لاوان ل پەرلەمانێ کوردستانێ کۆمبووینە و داتایێن چالاکیان کو دەمەکی دا کۆپیتکێ بووین و نوکە دا لاوازترین رەوش دایە.
ژلایەکێ دیڤە ناڤھاتی گوت: بڤی شێوەیی چارەنڤیسێ خولێ دیار نینە و ئەگەر داخوازیێن من نە ب جە نەھێن دێ مە ھەلویستێ خوە ھەبیت ژبەرکو ستەمەکا مەزن ل وەرزشا باسکت بۆلێ ل کوردستانێ دھێتە کرن، ھەرچەندە مە ھیڤیێن ھەین بۆ وەرزێ ئەڤ سالە حکومەتا ھەرێما کوردستانێ پشتەڤانیێ بکەت تایبەت ئەگەر بابەتێ بووچەیێ گشتی ھاتە پەسەندکرن.
