خەندە عەلی دێ ڤەگەڕیتە ڤە
ئەڤرۆ:
سترانبێژا مللی یا کورد خەندە عەلی پشتی بۆ دەمەکی دەنگوباسێن وێ یێن ھونەری نەماین و بەر ب ئورۆپا ڤە چووی بڕیار دایە جارەکا دی ڤەگەڕیتە ھەرێما کوردستانێ ڤە و دەست ب کارێن نوی یێن ھونەری بکەت.
عەلی بەکر، بابێ سترانبێژا مللی خەندە د ھژمارا تایبەت یا خوە دا ل تۆرا جڤاکی یا فەیسبووکی دا بەلاڤکریە کوب ۆ دەمێ سالەکێ یە ئەو بەر ب ئورۆپا چووینە، بەلێ ل دەمەکێ نێزیک دێ ڤەگەڕنە ھەرێما کوردستانێ و دێ دەست ب کارێن نووی یێن ھونەری کەن.
بەری نوکە ھەر دو سترانبێژێن مللی خەندە و سارا کو ھەر دو خیشکێن ئێک بوون بەند پێکڤە دگۆتن و د تۆرێن جڤاکی دا بەلاڤ دکرن و بابێ وان ژی تێکست و ئاوازێن بەند و سترانان بۆ ئامادە دکرن و گەلەک بینەر ھەبوو، پشتی بڕیاردایی بچنە ئورۆپا چو بەرھەمێن ھونەری بەلاڤ نەکرینە.
