گرنگە شێوەکارێن کورد پتر بھێتە نیاسین
ئەڤرۆ، رەمەزان ھەرنی:
خانما شێوەکار (ئیمان فاروق) د دیدارەکێ دا بۆ رۆژناما ئەڤرۆ گۆت: ھەتا رادەکێ باش ئەز شیامە ئەو پەیا من ھەی بگەھینم ئەو ژی پەیاما ھونەری یە و من و بزاڤ کرینە کو پەیاما خوە ب رێیا ھونەری بگەھینم کو قوتابیان فێربکەم ل قوناغا سەرەتایی دەست بدەنە فرچەی و کەڤالان چێکەن.
ناڤھاتیێ گۆت: مە شێوەکارێن زۆر باش ل کوردستانێ ھەنە کو پشکداری د پێشانگەھێن عەرەبی و جیھانی دا کرینە، بەلێ ئەڤرۆ ئنترنێتێ جیھان بچووک کریە و شێوەکار کەڤالێن خوە ب رێیا تورێن جڤاکی بەلاڤ دکەن و بینەرێن باش ژی ھەنە، گەلەکا گرنگە ب وێ رێکێ شێوەکارێن کورد پتر ل جیھانێ بھێتە نیاسین، بەلیًَ مخابن ھەتا نوکە وەک پێدڤی پشتەڤانی ل شێوەکارێن کورد نەھاتیە کرن و وەزارەتا رەوشەنبیری ب دروستی خوە لێ نەکریە خودان، و کەڤالێن ئەزچێدکەم ھەموو جۆرن و ھندەک جاران ژی گرێدای رەوشا ژنێ نە، ھندەک جاران ژی وێنا ل سەر دیواراێن مالان و قوتابخانان چێدکەم، ھەروەسا ل دووف داخوازیان وێنێن ھندەک کەسایەتیان چێدکەم.
