پێشمەرگە دێ ب شێوازەکێ نوو ھێتە مەشقدان
ئەڤرۆ:
رێڤەبەرێ راگەھاندن و ھشیاریێ ل وەزارەتا پێشمەرگەیی ل حوکمەتا ھەرێما کوردستانێ ھەڵگورد حکمەت دیارکر کو حەفتیانە راھێنەرێن ئەلمانی جۆرەکێ نوو یێ راھێنانێ ب ھێزێن پێشمەرگەی دکەن.
ھەڵگورد حکمەت بۆ مالپەرێ فەرمیێ پارتی دیموکراتی کوردستان ئەو ژی دیارکر کو بریارە ل حەفتیا بھێت تیمەکێ ئەلمانی کو نێزیکی ٨٠ راھێنەر و شیرەتکارێن پێک دھێت، دێ دەست ب مەشقدانا ھێزێن پێشمەرگەی کەن، ڤێ جارێ یا جودایە ژ جارێن پێشتر، ڤێ جارێ ب رەنگێ فەسیلە کو ھەر فەسیلەک ٣٠ پێشمەرگەیە و ھەموو جۆرە مەشقەک دێ پێ ھێتە کرن، وەکو چاوانیا شەر کرنێ و بەرەڤانیێ و شەرێ ناڤ باژێران و راھێنان ل سەر جۆرێ چەکی و چاوانیا بکارئینانا وان.
دیار ژی کر کو ئەڤە قووناغەکا گرنگە و ل حەفتیا بھێت دێ پێنج فەسیلە دەست ب راھێنان کەن، گۆت ژ بلی ڤێ ژی ئەو چەکێ ژ ئیتالیا بۆ ھەرێما کوردستانێ ھاتیە رەوانەکرن وەکو چەکێ میلان و دژە تانکان ئامادەکاری بۆ ھاتینە کرن و ل حەفتیا بھێت دێ راھێنان ل سەر وی جۆری ژی ب پێشمەرگە ھێنە کرن.
