ھندەک جاران پشتی نشتەرگەریێ فتقە دزڤریتە ڤە
دھۆک، سولین ئیبر اھیم سمۆ:
فتق دەرکەتنا پارچەکێ یە دناڤ زکی دا وەکی پڤدانکەکێ چێدبیت دەمێ دناڤ زکی دا چێدبیت و گڤاشتن ل سەربیت دەردکەڤیتە ژدەرڤە، ھندەک جاران پشتی نشتەرگەریێ فتقە دزڤریتە ڤە.
د.وان محەمەد دھۆکی، تایبەتمەندێ نشتەرگەریا گشتی بەحس ل جورێن فتقێ و چاوانیا چارەسەریێ دکەت و ددەتە دیارکرن فتق دەرکەتنا پارچەکا رووڤیکەکێ یان تشتەکی دناڤا زکی دابیت یان ئەو پارچە ب خوە بیت و ب دەرکەڤیتە ژدەرڤەی دیوارێ وی جھی یێ دڤەشێریت چ دناڤ زکی، یانافکێ دابیت ھەر جھەکێ دی دەرکەڤیتە ژدەرڤە وەکی پڤدانکەکێ دێ چێبیت.
ھەروەسا فتق ب رامان یا ھاتی سستبوونا دیوارەکی، تشتەک دەمێ دناڤ زکی دا زێدە دبیت و گڤاشتن لێدبیت دەردکەڤیتە ژ دەرڤە و دبێژیت: گەلەک جورێن فتقێ یێن ھەین، یێن ھەین د ژوورڤە و ژدەرڤە چێدبن دناڤ زکی دا یێن ھەین ئەو دیارناکەن ب ساناھی، پشتی حالەتێن تەنگاڤ وەکی رووڤیک ھاتبنە گرتن و زوو پێ نە حەسیێن رووڤیک بچنە دناڤ رووڤیکا دا و تێک ب ئالوزن دبێژنێ فتقێن داخلی، یا ھەی ژی مەعیدە ھندەک جارا دچیتە دناڤ سیھان دا ئەو بەرسوژێ چێدکەت و نەرەحەتیێ ل سەرێ زکی چێدکەت، و گۆت نەخۆش قەستا مەدکەن فتقا وان یا دیارە ژ وان یا نافکێ یە یان بەر رانی یە یان جھێ نشتەرگەریەکا کەڤن ھەبیت، ئەڤە جورێن سەرەکی نە
د.وان محمد دبێژیت ئەگەرێن سەرەکی یێن چێبوونا فتقێ دو ئەگەرێن سەرەکی نە ئەوژی ھەرتشتێ وەبکەت گڤاشتن ل سە ر چێبیت دناڤ زکی دا و سستاتیەک دماسولکێن زکی و پەردا سەر زکی ھەبن ئە ڤ ھەردو فاکتەرە پێکڤە وەدکەن فتق چێبیت.
یاھە ی ژی فتقا زکماکی ئەو ماسولکێن دیوارێ زکێ مروڤی سستاتیەک کەتبیتە تێدا یان ئەو جھێن حەوێجێ ل دەف کورکا ھەین ئەو فەتحا وێ باش ناھێتە گرتن ھوسا ژ زکماکی پەیدادبن و ژبچووکاتی دیاردبن یێن دی باراپتریا ل مەزنان دیاردکەت.
د.وان محەمەد دھۆکی دیارکر ژی، ژ نیشانێن ھەبونا فتقێ یا دناڤدا ب زەحمەت دیار دبیت ھەتا ل دەڤ نۆشداری ژی و یێن ژدەرڤە دیاردکەن وەکی وەرماندنەکێ یان ژنشکەکێڤە دیاردبیت یان ھێدی ھێدی دگەل کوخکەک یان بێھنژینەکا بھێز دەرکەڤیتە ژ دەرڤە، ھەروەسا گۆت چارە سەریا وێ باراپتر یاپێدڤیە بھێتە نشتەرگەریکرن و نە ژ نشتەرگەریێن بلەزە ھەردەمێ فتقە ب دەرکەڤیت د وی دەمی دابھێتە نستەرگەریکرن، بەلێ یا باشتر ب زووترین دەم پشتی دەرکەتنا فتقێ ژڤانێ نشتەرگەریێ بو بھێتە دانان، زاروک ژی بگەھیتە تەمەنەکی بو باش بیت بھێتە نشتەرگەریکرن و چ ئاریشە دگەل بەنجێ نەبن و خوینا وی یاباش بیت دا چ ئاریشە بو زاروکی پەیدانەبن. و گۆتژی: نشتەرگەریا وێ بارا پتر دھێتە کرن گەلەک ژوان ئەون یێن بن نافکێ دا دھێتە چێکرن بو زاروکی دشێن نیڤ بەنجێ ب دانن، چونکی ھەموو زاروک شەبەکە دگەل ناھێتە دانان ، بو مەزنان پێدڤیە بێھوشکرنا گشتی بو بھێتە دانان، چونکی زەعیفیەک ددیوارێ وان دا ھەیە پێدڤی ب شەبەکەکێ یە بو بھێتە دانان و چ خرابی د شەبەکێ دانینە، دکەڤندا شەبەکە نەبون بھێتە دانان نۆشدارا ل جھێ شەبەکێ د دوری ب چلەی و ئەوی چلەی ئاریشە بو نەخوشان چێدکر ئێشان بو نەخوشی ژێ پەیدادبو و گەلەک دھاتە شداندن، و ب ھەبوونا شەبەکێ ھەودان و نەخوشی بو نەخوشی پەیدانبیت و ھندەک جاران پشتی نشتەرگەریێ فتقە دزڤریتە ڤە ئەوژی ئەو کەسن یێن بێ شەبەکە و ژمێژە ھاتبنە نشتەرگەری کرن سێ تا حەفت ژسەدێ لێ دزڤریتە ڤە و یێن شەبەکە بو ھاتینە دانان دبیت ئێک حەتا سێ ژ سەدێ ب زڤریتە ڤە.
