ئەڤرۆ پەرلەمانێ کوردستانێ دێ پێشوازیا ئافرەتێن دھۆکێ کەت
ئەڤرۆ، زنار زوبێر:
چاڤەرێ یە ئەڤرۆ رۆژا چارشەمبی تیما ئافرەتێن دھۆک بەر ب ھەولێرا پایتەخت بچن و بھێنە پێشوازی کرن ژلایێ لژنەیا وەرزش ولاوان ل پەرلەمانێ کوردستانێ.
چریسک یونس سەروکا یانا ئافرەتێن دھۆک بۆ رۆژناما ئەڤرۆ گۆت: پشتی تیما مە یا فوتسالێ شیای ناسناڤێ قارەمانیا فوتسالا کچێن کوردستانێ دەستخوەڤە بینت ل وەرزێ بوری لژنا وەرزش ولاوان ل پەرلەمانێ کوردستانێ داخواز کریە ئەڤرۆ شاندێ یانێ ل بارەگایێ پەرلەمانی ئامادەبیت پێخەمەت خەلاتکرن و دەستخوشی کرن ل ڤێ تیمێ پشتی د ماوەکێ کورت دا ژ دامەزراندنێ بیتە قارەمانا فوتسالا کچێن کوردستانێ.
ھەر د ڤی دەربارەی دا جەلال پەریشان ئەندامێ پەرلەمانێ کوردستانێ و لژنا وەرزش ولاوان بۆ رۆژناما ئەڤرۆ گۆت: ئەو دەستکەفتێ یانا ئافرەتێن دھۆک دەستخوەڤەئینای جھێ دەستخوشیێ و سەرفەرازیێ یە ژبەرکو ئەڤ کارگێریا یانا ئافرەتێن دھۆک شیان یانەکا ھەلوەشیای و سرکری ڤەگەرینن و ببنە ھژمارەکا بھێز د وەرزشا کوردستانێ دا لەورا ب ئەرکێ خوە دبینن وەک لژنا وەرزش ولاوان کو کارگێریا یانێ و تیما وێ یا فوتسالێ ژی مێڤان کەین و خەلات بکەین و ھەر کەسەکێ رول ھەبیت د پێشخستنا وەرزشا ئافرەتان دا
