عەلی تالب: سەرباری گرێبەستێن جودا من دھۆک ھەلبژارت
ئەڤرۆ،
د دیدارەکێ دا گۆلپارێزێ نوو یێ تیما تەپاپیێ یا یانا دھۆک عەلی تالب بۆ رۆژناما ئەڤرۆ دیارکر سەرباری ھەبوونا گرێبەستێن چەند یانێن عیراقێ لێ ب حەزا خوە یانا دھۆک ھەلبژارت و شانازیێ ب پێنگاڤا خوە یا ئێکێ دبەت.
زێدەتر ناڤھاتی گوت: ھەرچەندە ل گەل یانا زەورا د خولا پلا نایابا عیراقێ دا بووم، ھەروەسا یانێن وەکو کەربەلا و ئەلقاسم داخوازا ئیمزاکرنا گرێبەستێ ل گەل تیمێن وان ژ من کربوو، لێ ئێک ژ وان یانێن داخوازکر دھۆک بوو کو بۆ من باشترین گرێبەستە ل گەل یانەکێ ناڤ و دەنگێ خوە ھەیی ھەرچەندە ل پلا ئێکا عیراقێ یاریێ کەت لێ بوو من گرنگ نینە لەورا من یانا دھۆک ب ھەموو دل و ڤیانا خوە ھەلبژارتیە و دێ سۆزێ دەمە جەماوەر و کارگێری و کادرێ راھێنانێ کو عەلی تالب ببیتە گۆلپارێزێ ھێمن و گۆلا خوە پارێزیت و ھەموو بزاڤا بکەن ئاستێ خوە باشتر ببەت.
ژلایەکێ دیڤە عەلی تالب گوت: یانا دھۆک کاروانەکێ دی یە شانازیێ پێدبەم و گەشبینم باشترین ئاست نیشان بدەم ژبۆ بجھئینانا ئارمانجا یانێ و جەماوەرێ یە دەربازبینە پلا نایابا عیراقێ و دوبارە تیمەکا نموونە و بھێز بھێتە دناڤ ھەڤڕکیان دا، ھیڤییا من ئەوە ل گەل یانا کوردستانی ناسناڤێ پلا ئێکا عیراقێ بلند بکەین.
