ره‌شید عه‌لی: بابێ من چو جاران بۆ كارێ په‌یكه‌رسازیێ ده‌ست خوه‌شی ل من نه‌كریه
ئه‌ڤرۆ، هه‌رهین محه‌مه‌د:
هونه‌رمه‌ندێ شێوه‌كار ره‌شید عه‌لی د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: راسته ئه‌ڤه بۆ ده‌مه‌كێ درێژ بۆ ئه‌ز ژ هونه‌رێ شێوه‌كاری ب تایبه‌تی په‌یكه‌رسازی دوور كه‌فتیم، ژ به‌ر كو ئه‌ز تووشی جه‌لتێ ببووم و نه‌دشیام كاربكه‌م و دبیت كارێ په‌یكه‌رسازی هزره‌كا مه‌زن ئه‌ز دگه‌ل دكه‌م و دبیت نوكه ئه‌و لڤینه دمفایێ من دا نه‌بیت هه‌موو كه‌س خوه د واره‌كی دا دبیت و ژ زارۆكینا خوه من حه‌زا ڤی كاری هه‌بوو و ده‌رفه‌ت بۆ من چێبوو وه‌كو خواندن و به‌رده‌وامیا كاری و دبیت سال هه‌بن ئه‌ز ژ كارێ خوه هاتبمه ڤه قه‌تاندن ئه‌و ژی ژئه‌گه‌رێ وان كاودانێن دژیانێ دا روودده‌ن، به‌لێ من خوه ب هونه‌ری ڤه یا گرێدای و ملله‌تێن پێشكه‌فتی پتر د ناڤ هونه‌ری دا چووینه و كار ل سه‌ر دكه‌ن.
ناڤهاتی هێشتا ژی گۆت: من ژی گه‌له‌ك ده‌رده‌سه‌ری دڤێ ئاخفتنێ دا یێن دیتین و دورهێلێ مه ئه‌ڤه بووینه و دبیت بوچوونا من یا جودایه و هونه‌ر بوویه زانین و ئه‌و قوناغ هاتیه بوراندن و هه‌كه ئه‌و بوچوونه بهێته گوهورین و من گه‌له‌ك قه‌هرخارینه سه‌را كارێ خوه و دبیت مالا من ژی گه‌له‌ك دژتیه‌تیا من یاكری ب تایبه‌تی بابێ من چو جاران ده‌ست خوه‌شی ل من نه‌كریه بۆ كارێ من یێ په‌یكه‌رسازیێ.
