سامی عه‌لی: بۆ ده‌مێ چار سالانه من چو كارێن هونه‌ری ئه‌نجام نه‌داینه
هه‌رهین محه‌مه‌د:
زارڤه‌كه‌رێ كومێدی سامی عه‌لی دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ دیاركركو ئه‌ڤه بۆ ده‌مێ چار سالایه وی چو كارێن هونه‌ری ئه‌نجام نه‌داین ژبلی كو شانوگه‌ریه‌ك ل سه‌ر تیرۆرستێن داعش چێكربوو.
هێشتاژی گۆت: هه‌ر رۆله‌كێ هه‌بیت دگێرم چو كومێدیا بیت، یان تراژیدی بیت، به‌لی َمن كومێدیا ژێگرت و ل گه‌ل وێ یێ ئارامم و به‌ری نوكه ژی گازندا من ئه‌و بۆ ده‌رهێنه‌ردا هنده‌ك كه‌سان ئینن و هنده‌ك رولان ده‌نێ نه دئاست بوون و بتنێ مه‌ره‌ماوان ئه‌و بۆ خه‌لكی پێ كربا كه‌نی و سفكاتی ب هونه‌ری دهاته كرن و یا ئه‌ز دزانم كه‌سێ خوه‌لی ب سه‌رێ مه وه‌رنه‌كر ژبلی سوشیال میدیایێ و سوشیال میدیا یا وه‌لێ هاتی ئێدی مرۆڤ نه‌شێت فلمه‌كی چێكه‌ت و به‌ری نوكه مه فلمه‌ك، یان زارڤه‌كرنه‌ك چێكربا دا ده‌ینه نڤیسینگه‌هه‌كێ و دبیت داهاته‌ك بۆ مه ژێ هاتبا، به‌لێ نوكه هێشتا فلم ب دووماهی نه‌هاتی ل سوشیال میدیایێ به‌لاڤ بوو ب جاره‌كێ گێولێ مرۆڤی ژ هونه‌ری شكاند و ئه‌ڤ گازده ژی به‌ری نوكه مه گه‌هاند بوو رێڤه‌به‌ریا ره‌وشه‌نبیری كو چاره بكه‌ن و چاڤدیریه‌ك هه‌بیت ل سه‌ر چێكرنا فلمان.
لدووماهیێ ژی گۆت: ئه‌ڤه بۆ ده‌مێ دو سالایه پێت من سه‌وه‌فانێ یێن گرتین و نه‌شێم ژمال ده‌ركه‌ڤم و هه‌ڤالێن من یێن هونه‌رمه‌ند ڤێ چه‌ندێ دزانن و ئه‌ز ئه‌ندامێ تیپا زاخۆ یا هونه‌ری مه و سه‌ندیكا هونه‌رمه‌نداندێن كوردستانی ، به‌لێ ب مخابنی ڤه هه‌تا نوكه پسیارا حالێ من نه‌كریه بتنێ هونه‌رمه‌ند عه‌دنان سالح و رێڤه‌به‌رێ ره‌وشه‌نبیری دلخاز موسا و هه‌ڤالێن نێزیكی من پسیارا من كریه و گه‌له‌ك جارا من دیتیه كه‌سێن نه‌خۆش دبن وێنێ خوه ل سوشیال میدیایێ به‌لاڤكریه، به‌لێ نه نه‌ریتێ منه و شه‌رم دكه‌م وی كاری بكه‌م.
