ناڵه سۆپه‌ر بوو ئه‌نداما ئێكه‌تیا ته‌پا پێ
ئه‌ڤرۆ، زنار زوبێر:
جێگرا سه‌روكا یانا ئافره‌تێن دهۆك ناڵه سۆپه‌ر ب فه‌رمی هاته ده‌ستنیشان كرن وه‌كو ئه‌نداما ئافره‌ت ل ئێكه‌تیا ته‌پا پێ یا هه‌رێما كوردستانێ.
ل دیڤ وان زانیاریێن ده‌ست ب رۆژناما ئه‌ڤرۆ كه‌فتین لژنا ئۆلومپیا كوردستانێ جێگرا سه‌روكا یانا ئافره‌تێن دهۆك ناڵه سۆپه‌ر وه‌كو ئه‌نداما نوو یا ئێكه‌تیا ته‌پا پێ یا كوردستانێ ده‌ستنیشان كریه و دێ چارشه‌مبیا بهێت فه‌رمی ده‌ست ب ده‌واما خوه كه‌ت وه‌ك ئه‌ندام دیسان سه‌رۆكا لژنا فۆتسالا ئافره‌تان ل ئێكه‌تیا نافهاتی.
هه‌لبژارتنا ناڵه سۆپه‌ر هاته پێش ژبه‌ر رولێ وێ یێ گرنك وه‌ك كه‌سه‌كا ئه‌كادیمی و مه‌یدانی د بیاڤێ وه‌رزشی دا دیسان دبزاڤا بهێزخستنا وه‌رزشا ئافره‌تان ل هه‌رێما كوردستانێ.
هه‌ژی گۆتنێ یه ناڤهاتی ده‌رچوویا كولیژا په‌روه‌ردا وه‌رزشی یه و نوكه قوتابیا ماسته‌رێ یه ل زانكویا كویه، به‌ری نوكه راهێنه‌را فۆتسالا كچێن زێره‌ڤانی بوویه و نوكه ژی جێگرا سه‌روكا یانا ئافره‌تێن دهۆك به‌رده‌وامه ل سه‌ر كارێ خوه یێ وه‌رزشی.
