د. ئه‌مین موسا: پتریا گه‌نجان ژبه‌ر جگاره كێشانێ تووشی نه‌خۆشین دلی دبن
د. ئه‌مین موسا، تایبه‌تمه‌ندێ نه‌خۆشین دلی ل پارێزگه‌ها دهۆكێ دیاركركو نه‌خۆشێن به‌ربه‌لاڤ یێن دلی دناڤ خه‌لكێ دا پتر نه‌خۆشین ده‌رمارێن دلی نه ئه‌ڤه یێ مشه دبن ب تایبه‌تی ژی دناڤ گه‌نجاندا یا زێده بیت ئه‌م دبینن جگاره كێشان ئێكه ژ ئه‌گه‌رێن گرتنا ده‌رمارێن دلی ل ده‌ڤ گه‌نجان.
د. ئه‌مین موسا، ئه‌وژی ئاشكه‌را كركو: سه‌نگا زێده وكێشانا جگاره ونه‌كونترولكرنا نه‌خۆشیا شه‌كری و بلندبوونا فشارا خوێنی و بلندبوونا دوهنیات وجه‌وری دناڤ خوێنی دا ئه‌ڤه بنه ئه‌گه‌ر ئێشین دلێ یێن ده‌ماران زێده بن نۆكه ل پارێزگه‌ها دهۆكێ گه‌له‌ك ژ گه‌نجان تووشی ئیشین ده‌مارێن دلی بن خۆپارستنا ژ گرتنا ده‌مارێن دلی یا گرنگه بۆ هه‌موو كه‌سان چاڤدێریا خۆ ساخله‌میی بكه‌ن خۆ دوور بكه‌ن ژ جگاره كیشانی وقه‌له‌ویێ هه‌تا ژی خۆارنێن دوهنیات وئه‌نجامدانا وه‌رزشی و كونترولكرنا نه‌خۆشیا شه‌كری ئه‌ڤه دێ بنه ئه‌گه‌ر ئێشین ده‌مارێن دلی ده‌ڤ وه‌لاتیان دروست نه‌بن”.
د. ئه‌مین موسا، تایبه‌تمه‌ندێ نه‌خۆشین دلی ل پارێزگه‌ها دهۆكێ ئاشكه‌را كركو: جگاره كیشان ئێكه ژ ئه‌گه‌رێن سه‌ره‌كی یێن په‌ێدابوونا ئێیشن دلی نه‌خاسمه ژی ئێشین ده‌ماران پتر گه‌نج جگاره دكیشن له‌ورا ژی پتر نوكه گه‌نج تووشی ئیشین دلی بن ژبه‌ركو جگاره دلی دگرت هه‌تا ژی كارتێكرنێ ل سه‌ر دلێ مرۆڤی دكه‌ت هیدێ هێدی كارتیكرنا وێ دیاربیت هه‌تا چه‌ند سالان دێ ئه‌و گه‌نجێ جگاره‌كیش تووشی ئێشێن دلی بن.
د. ئه‌مین ئاماژه دا وی چه‌ندی ژی كو:” پتریا ئه‌گه‌رێن نه‌خۆشین دلێ ب شێوه‌یه‌كێ گشتی نه كرنا وه‌رزشێ وقه‌له‌ویێ و كێشانا جگاره ب تایبه‌تی ژی ده‌ڤ گه‌نجان چونكو ئه‌ڤه بووینه ئه‌گه‌ر دڤێ سه‌رده‌مێ دا گه‌نج پتر تووشێ ئاریشه‌یێن دلی بن نه‌خاسمه ژی گرتنا ده‌مارێن دلی هه‌تا ژی ئه‌ڤه بیته ئه‌گه‌ری جه‌لته بۆ گه‌نجان دروست بیت.
تایبه‌تمه‌ندێ دل وهناڤا وچاندنا كولچیسكان ل دهۆكێ: ئامیره‌ك بۆ نه‌خۆشان دهێته دانان بۆ شووشتنا كولچیسكان
دهۆك، لاپه‌ری ساخله‌میی
تایبه‌تمه‌ندێ دل وهناڤا وچاندنا كولچیسكان دیاركركو بۆ هنده‌ك نه‌خۆشان ئامیری به‌رده‌وام یێن شووشتنا كولچیسكا دهێنه دانان هنده‌ك ژی بۆ ده‌مێ ساله‌كێ دهێنه دانان.
د. شه‌وكه‌ت شێخ سه‌بری ، تایبه‌تمه‌ندێ دل وهناڤا وچاندنا كولچیسكان ئاشكه‌را كركو هه‌تا هنده‌ك جاران ئامیره دهێته چاندن بۆ نه‌خۆشێن كولچیسكان ئه‌ڤه بۆ نه‌خۆشی باشتره چونكو دشێت بۆ ده‌مێ ساله‌كێ كولچیسكا خۆ بشۆت بێ ئاریشه گه‌له‌ك باشتره ژ ئامێرین به‌روخت چونكو هنده‌ك نه‌خۆشی سێ هه‌تا چوار جاران حه‌فتیێ دهێنه شووشتنا كولچیسكان دكه‌ن له‌ورا ئه‌ڤ ئامیره بۆ نه‌خۆشی ئاسان تره تووشی ئارشیه‌یان نابیت .
تایبه‌تمه‌ندێ دل وهناڤا وچاندنا كولچیسكان ئه‌وژی نه‌ڤه‌شارت و گۆت: بۆ نه‌خۆشی دانانا ئامیری باشتره چونكو دێ ئاسانێ كولچیسكا خۆ شووت ب تایبه‌تی ژی بۆ وان كه‌سێن بۆ ده‌مێن درێژ ل سه‌ر شووتنا كولچیسكان بمینن هنده‌ك هه‌نه چاندنا كولچیسكان دكه‌ن ئه‌ڤ ئامیره بۆ وان ناهێته دانان بتنی بۆ وان كه‌سان یێ باشه یێ گه‌له‌ك ل سه‌ر شووشتنا كولچیسكان دمینن بۆ هه‌موو كه‌سان ژی یێ باشه د چ ژیێ دا بیت چوو ئاریشه نینه.
د. شه‌وكه‌ت، ئه‌وژی گۆت:” پشتی ساله‌كێ ژی هه‌كه ئامێره ژ كاربكه‌ڤت ئێكی دێ بۆ نه‌خۆشی دهێنه دروستكرن ئه‌وژی نه ل جهێ یێ ئێك دێ جهه‌كێ دێ هێته دانان داكو به‌رده‌وامێ ب شووشتنا كولچیسكان دهێنه دان هه‌كه ئامیری شووشتنا كولچیسكان ده‌ستێ دا بهێته چاندن گه‌له‌ك باشه بۆ نه‌خۆشی تووشی هیچ ئاریشه‌كێ نابیت هنده‌ك نه‌خۆش هه‌نه ب سالان سووندا دگوهۆرن پێڤه ماندی دبن بۆ نه‌خۆشی ژی خۆش نێنه .
د. شه‌وكه‌ت، ته‌كه‌ز كركو : شووشتنا كولچیسكان ب ریێا دانانا ئامێری گه‌له‌ك باشتره بۆ نه‌خۆشی نۆكه ل دهۆكێ ئه‌م ئامیریێ بۆ هنده‌ك نه‌خۆشیان دانن بۆ ده‌مێ ساله‌كێ بۆ هنده‌ك ژی بۆ ده‌مێ شه‌ش هه‌یڤان هه‌كه نه‌خۆش پێدڤی پێ بیت پشتی ساله‌كی ژی دێ ئامێره هیته دانان بۆ شووشتنا كولچیسكان.
