نوشداره‌ك به‌حسێ كارتێكرنا ده‌رمانیێن ئێشكێمكرنێ ل سه‌ر مه‌عیدی دكه‌ت
له‌زگین جوقی
تایبه‌تمه‌ندی نشته‌رگه‌ریا گشتی و نازوورێ ل دهۆكێ دیاركر: خۆارنا ده‌رمانیێن ئێشكێمكرنێ گه‌له‌ك كارتێكرنێ ل مه‌عیده دكه‌ت ونابیت هیچ كه‌سه‌ك بێ ئاموژگاریان نوشداران ده‌رمانێن مه‌عیدێ بخۆت.
د. عودیشو حه‌نا،تایبه‌تمه‌ندی نشته‌رگه‌ریا گشتی ونازوورێ دیاركركو: ئاریشه‌یێن مه‌عیده دناڤ خه‌لكێ دا یێ زێده بن پتریا وه‌لاتیان ئه‌و ئاریشه هه‌یه ترشاتیی ل سه‌ر مه‌عیده دمینت ئه‌ڤه بیته ئه‌گه‌ر هه‌ودان بۆ وه‌لاتیان دروست بن ئه‌وژی ل ده‌ڤ هنده‌ك كه‌سان نیشان دیاربن دێ مه‌عیده وان ئیشت یان دێ سوژت یان ژی بنی سینگێ ترش بیت ودل رابوون دروست بیت ل ده‌ڤ هنده‌ك كه‌سان ژی چوو نیشان دیار بن >
هه‌روه‌سا تایبه‌تمه‌ندی نشته‌رگه‌ریا گشتی ونازوورێ ل دهۆكێ گۆت: نۆكه به‌كتریا و ده‌رمانیێن ئیشكێمكرنێ ژی كارتیكرنێ ل مه‌عیدی دكه‌ن هه‌تا ژی قرحه مه‌عیده ژی یا به‌ربه‌لاڤ دبیت دناڤ خه‌لكێ مه دا وگه‌نج ژی تووشی دبنی هنده‌ك جاران ده‌رمانیێن رونكرنا خوێنی یان ده‌رمانێن ئێشكێمكرنێ قرحی دروست دكه‌ن ئیشانا مه‌عیدی یا زێده بیت له‌ورا یا گرنگه خه‌لك رێكخستنا خۆارنا خۆ بكه‌ن دگه‌لدا ژی وه‌رزشێ ژی ئه‌نجام بده‌ن ئه‌و كه‌سێ خۆارنێ دخۆن ئیكسه‌ر دنڤن ئه‌و پتر تووشی ئاریشه‌یێن مه‌عیدی دبن”.
تایبه‌تمه‌ندی نشته‌رگه‌ریا گشتی ونازوورێ ئاشكه‌را كركو:” ریكخستنا خۆارنێ گه‌له‌ك یا گرنگه بۆ پاراستنا مه‌عیدی ژ نه‌خۆشیان هه‌كه مرۆڤ گه‌له‌ك جاران دووڤ ئێك دا خۆارنی بخۆت ئێشێن مه‌عیدی زێده‌بن نابیت خۆارنێن گران كو ل سه‌ر مه‌عیدی بمینن مرۆڤ بخۆت هه‌تا ژی دێ بینێ كه‌سه‌ك ده‌مژمێر 12 نێڤرۆ ژ خه‌و رابوو دێ خۆارنێ خۆت وپشتی چه‌نده‌كێ دێ ڤراڤینێ خۆت پاشی دێ چه‌ند تشتێن دێ به‌را خۆ هه‌تا بیته ئێڤار ل ئێڤاری دێ خۆت ئه‌ڤه باش نینه چونكو پێدڤیه خۆارن یا ریكخستی بیت داكو مه‌عیده كارێ خۆ ئه‌نجام بده‌ت”.
د. عودیشو، زێده‌تر گۆت:” هه‌كه مه‌عیده فێری ده‌مه‌كێ بیت ئاریشه نینه لێ باشتره مرۆڤێ سێ جاران بخۆت ئه‌وژی رێكخستی بیت كو خۆارنێ ناڤبه‌را وان هه‌ر سێ جاران دا مرۆڤ نه‌خۆت ئه‌ڤه‌یا گرنگه بۆ پاراستنا مه‌عیدی ژ نه‌خۆشیان”.
ناڤهاتی ئه‌وژی ئاشكه‌را كركو گه‌له‌ك نه‌خۆش مه دیتینه پشتی ژ كورۆنایێ چاره‌سه‌ربووین تووشی ئاریشه‌یێن گه‌دی بووینه ئه‌وژی گه‌دا وان گه‌له‌ك ئێشایه لێ مه چوو ڤه‌كۆلینن ل سه‌ر نه‌كریه بس كۆرۆنا كارتێكرنێ ل شرایین بچووك و مه‌عیدی دكه‌ن هه‌تا ژی قولونی ژی هه‌كه بۆ ده‌مێن درێژ چاره‌سه‌رێ نه‌هێته كرن ئه‌و مرۆڤ دێ تووشی ئاریشه‌یێن مه‌زنتر یێ ساخله‌میێ بیت چونكو هه‌كه شراینه‌ك هاته گرتن دێ كارتێكرن ل مرۆڤێ هێته كرن.
تایبه‌تمه‌ندی نشته‌رگه‌ریا گشتی ونازوورێ ته‌كه‌ز كركو ده‌رمانیێن مه‌سكن زۆر كارتیكرنێ ل گه‌دی مرۆڤێ دكه‌ن هه‌تا ژی ده‌رمانێن رونكرنا خوێنی ژی باش نینه كارتێكرنێ ل مه‌عیدی دكه‌ن له‌ورا نابیت هیچ ده‌رمانه‌ك بیێ ئاموژگارێن نوشدارین تایبه‌تمه‌ند بهێته بكارئێنان هنده‌ك كه‌س هه‌نه دبیت پیچه‌كێ مه‌عیدا وێ بئێشت ل مال دێ ئیكسه‌ر حه‌به‌كێ خۆت بێ خۆ نیشا نۆشداری بده‌ت ئه‌ڤه باش نینه چونكو حه‌بك و ده‌رمانێن ئیشكێمكرنێ گه‌له‌ك كارتێكرنێ ل مه‌عیدی دكه‌ن.
د. عودیشو زێده‌تر گۆت:” باشتره مرۆڤ ب سرۆشتی مه‌عیده خۆ بچووك بكه‌ت ئه‌وژی ب ریێا ئه‌نجامدانا وه‌رزشی وكیمكرنا خۆارنێ ئه‌ڤه دێ سه‌نگا مرۆڤێ كێم كه‌ت دێ گه‌دا ژی بچووك بیت باشتر ژ نشته‌رگه‌ریێ لێ هه‌كه چوو چاره‌سه‌رێ نه‌بیت ژنۆكه نشته‌رگه‌ریێ مه‌عیده دهێته بچووك كرن لێ ئاموژگاریا من بۆ وه‌لاتیان ئه‌و رێكخستنا خۆارنا خۆ بكه‌ن دگه‌لدا ژی وه‌رزشی ئه‌نجام بده‌ن باشترێن رێكا بۆ پاراستنا گه‌دی ژ نه‌خۆشیان.
د. عودیشو حه‌نا عودیش ، تایبه‌تمه‌ندی نشته‌رگه‌ریا گشتی و كێمكرنا خۆارنێن ژ گیانه‌وه‌ران دروست بن هه‌تا ژی هزرا ئارام یا باشه بۆ پاراستنا مه‌عیدی ورێكخستنا خۆارنێ گه‌له‌ك كه‌س هه‌نه دێ خۆارنی خۆت دێ ل سه‌ر نڤت ئه‌ڤه باش نینه پێدڤیه مرۆڤ ده‌مێ خۆارنێ دخۆت سێ هه‌تا چوار ده‌مژمێران بمینت پاشی بنڤت چونكو سێ ده‌مژمێر پێدڤیه هه‌تا خۆارن مه‌عیدی دا نه‌مینت ئانكو ترشاتیی دروست نه‌بیت مرۆڤ یێ ساخله‌م بیت.
