د. شه‌وكه‌ت شێخ سه‌بری: گه‌له‌ك چاره‌سه‌ربوویێن كۆرۆنایێ تووشی نه‌خۆشیێن كولچیسكا بووینه
دهۆك، له‌زگین جوقی
تایبه‌تمه‌ندێ نه‌خۆشێن دل وهناڤا ونه‌خۆشیێن كولچیسكا ل پارێزگه‌ها دهۆكێ دیاركركو ڤایرۆسێ كورۆنایێ گه‌له‌ك كاریتێكرن ل كولچیسكێن هنده‌ك نه‌خۆشان كریه ب تایبه‌تی ژی ئه‌و تووشبوویێن كۆرۆنایێ یێن كه‌ڤتینه د ره‌وشه‌كا مه‌ترسیداره توندی تووشی ڤێ نه‌خۆشی بووین ب رێژا 14% هه‌تا 30% تووشی نه‌خۆشیێن كولچیسكا بووینه.
د. شه‌وكه‌ت شێخ سه‌بری، تایبه‌تمه‌ندێ نه‌خۆشیێن دل و هناڤ و نه‌خۆشیێن كولچیسكا ل پارێزگه‌ها دهۆكێ راگه‌هاندكو: ژبه‌ر ڤایرۆسێ كورۆنایێ هنده‌ك كه‌س تووشی نه‌خۆشێن كولچیسكا بووینه ب تایبه‌تی ژی ئه‌و كه‌سێن ب دژواری تووشی كورۆنایێ بووین ب رێژا 14% هه‌تا 30% تووشی نه‌خۆشیێن كولچیسكا بووینه ژبه‌ر كو وه‌سا هاتیه دیاركرن كو خوێنا وان گه‌له‌ك تیر بوویه ئه‌ڤه بوویه ئه‌گه‌رێ مه‌ینا خوێنی ده‌ڤ وان تووشبوویان ئه‌ڤه بوویه ئه‌گه‌ر كارتێكرن ل كولچیسكا تووشبوویێ كورۆنایێ بهێته كرن ب تایبه‌تی ژی ئه‌و تووشبوویێن كه‌ڤتینه د ره‌وشه‌كا دژوار دا كو مه‌ینا خوێنی ل بۆریا خوێنی دا بۆ هنده‌ك تووشبوویێن كۆرۆنایێ چیبوویه ئه‌وژی پشتی ژ كورۆنایێ دووماهیی هاتین ئانكو پشتی چاره‌سه‌ریا وان هاتیه كرن ژ كورۆنایێ خلاس بووین.
تایبه‌تمه‌ندێ نه‌خۆشیێن دل و هناڤ و نه‌خۆشیێن كولچیسكا ئاشكه‌را كركو: هه‌ر كه‌سه‌كێ تووشی كورۆنایێ بوویێ بیگومان بارگرانیه‌ك مه‌زن ل سه‌ر كولچیسكێن وێ چیبوویه چونكو بروتین دچیته ناڤ ده‌ست ئاڤا زه‌راف دا ئه‌ڤه بیته ئه‌گه‌رێ بێ هیزیا و ژ كاركه‌ڤتنا كولچیسكا هه‌تا ژی نه‌خۆش دێ كولچیسكێن خۆ ژده‌ست ده‌ت چونكو ده‌مێ كولچسیسك كار نه‌كه‌ت هشك دبیت له‌ورا ئه‌م ئاموژگاریان ل خه‌لكێ خۆ دكه‌ن چاڤدێریا كولچیسیكێن خۆ بكه‌ن ب تایبه‌تی ژی پشتی ژ كورۆنایێ چاره‌سه‌ردبن.
