یانه‌كا وه‌رزشی بۆ خودان پێدڤیێن تایبه‌ت هاته دامه‌زراندن
زنار تۆڤی:
د داخویانیه‌كێدا رێڤه‌به‌رێ گشتی یێ چاڤدێری و گه‌شه‌پێدانا جڤاكی ل پارێزگه‌ها دهۆكێ بۆ رۆژناما ئه‌ڤرۆ دیاركر كو یانه‌كا وه‌رزشی بۆ خودان پێدڤیێن تایبه‌ت ل پارێزگه‌هێ هاته دامه‌زراندن ژبۆ بڕێڤه‌برنا كاروچالاكیێن خوه یێن وه‌رزشی.
زێده‌تر د. شێرزاد حه‌مید گوت: یانا میدیا – دهۆك كو سه‌ر ب پارائۆلۆمپی ڤه ب شێوه‌كێ فه‌رمی هاته دامه‌زراندن پشتی بوو ماوه‌كێ رێژ مه كار ل سه‌ر ڤی پرۆژه‌ی دكر ئه‌وا ب پشته‌ڤانیا د . دیار
په‌رله‌مانتار و چێگرێ سه‌رۆك لژنا وه‌رزش و لاوان ل په‌رله‌مانێ عیراقێ سه‌ر لیستا پارتی دیموكراتی كوردستان ڤه هاتیه دروستكرن كو به‌رده‌وامی پشته‌ڤانی ل مه كرییه بۆ كاره‌كێ د خزمه‌تا وه‌رزشا كوردستانێ و پارێزگه‌هێ دا.
ناڤهاتی گۆت ژی: مه‌ره‌م ژ دامه‌زراندنا ڤێ یانێ ئه‌وه دێ خزمه‌ته‌كا باش بۆ خودان پێدڤیێن تایبه‌ت ل پارێزگه‌ها دهۆكێ كه‌ت دیسان دێ زێده‌تر ده‌لیڤه بۆ وان په‌یدا بیت و شێن ب رێیا ڤێ چه‌ندێ به‌هره‌یێن خوه باشتر دیار كه‌ن.
