بنار پیر داود: دڤێت شێوه‌كار بۆ پاره‌ی كار بكه‌ت
ئه‌ڤرۆ، هه‌رهین محه‌مه‌د:
شێوه‌كار بنار پیر داود د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: شێوه‌كارێ راسته‌قینه ئه‌وه ل سه‌ر وی هونه‌رێ ئه‌و دكه‌ت چو مۆزیك و شێوه‌كار بیت، یان چ شانۆ و به‌شێن دگه‌ل دا بن یا گرنگ ئه‌وه ب شێوه‌كێ جوان و ب هه‌ست ب گه‌هینته كه‌سێ به‌رامبه‌ر و په‌یاما خوه ب گه‌هینت.
ناڤبری گۆت: هیڤیا من ئه‌وه ئه‌ز شیابم ب رێیا چێكرنا كه‌ڤالان خزمه‌ته‌كا بچووك بۆ هونه‌رێ كوردی كربیت ژ لایێ هه‌ست و سۆزا ڤه و هونه‌رێ شێوه‌كاری گه‌له‌ك تشت داینه من وه‌كو ئه‌ز ب خه‌لكی دایمه نیاسین و ئه‌ڤه ژی جهێ شانازیێ یه بۆ من كو ل مالان كه‌ڤالێن من دهه‌لاویسن و هه‌موو ده‌مان حه‌زا من ئه‌وه ل هه‌موو جهان كه‌ڤالێن من بهێنه هه‌لاویستن و یا گرنگه ژی شێوه‌كار بۆ پاره‌ی كار بكه‌ت داكو یێ به‌رده‌وام بیت ل سه‌ر كارێ خوه و دیسان هزرێن نوو ب ئافرینن.
بناری گۆت: به‌رده‌وام كار ل سه‌ر كه‌ڤالێن سرۆشتی دكه‌م ب تایبه‌تی سرۆشتێ كوردستانێ و من سرۆشتێ كوردستانێ هه‌لبژارت، چونكو هه‌ست بهێن فره‌هیێ دكه‌م ده‌مێ دچمه د ناڤ دا و دبینم و ئه‌ز كه‌ڤالان ل سه‌ر شێوازێ دورهێلی ریالزم كاردكه‌م، به‌لێ ئه‌ز ته‌كنیكا خوه تێدا ب كاردئینم وه‌كو ب ده‌ستی وچه‌قو و فرچه‌ی.
