دناڤبه‌را نه‌رازیبوونێ و گه‌فێن كۆرۆنایێ دا ئۆلۆمپیادا توكیۆ به‌رده‌وامه
ئه‌ڤرۆ،
ل ئه‌ینیا بوری مه‌زنترین خرڤه‌بوونا وه‌رزشڤانا كو نێزیكی 11 هزار كه‌سان پشكداری ئۆلۆمپیادا تۆكیۆ 2020 ل وه‌لاتێ چاپانێ كر ئه‌وا ب پشكداریا 200 وه‌لاتێن جیهانێ بۆ یاریێن ئۆلۆمپی سه‌ر ئاستێ كچان و كوڕان هه‌ڤڕكیێ بۆ میدالیێن زێری، زیڤی و برۆنزی دكه‌ن و لدیڤ رێنومایێن خوه پاراستنێ ژ ڤایرۆسێ كورونایێ كه‌ن.
هه‌رچه‌نده بڕیاربوو ل هاڤینا 2020 رێوره‌سمێن ئۆلۆمپیادا هاتبانه كرن لێ ژبه‌ر رێكارێن خوه پاراستنێ و به‌لاڤبوونا ڤایرۆسێ كورۆنایێ هاته پاشخستن بۆ وه‌رزێ ئه‌ڤ ساله ئه‌وا دێ هه‌تا هه‌شتێ ته‌باخا بهێت ل شه‌ش باژێرێن جودا یا وه‌لاتێ چاپانێ به‌رده‌وامبیت.
پشتی زێده‌كرنا چه‌ند یاریێن دی بۆ ئۆلۆمپیادا دا ژوانا یاریا كاراتێ، حلیسانگا ده‌پی ل سه‌ر جادێ، پایسكلڤانێن نیشاندانێ، یاریا بۆلدرینگ، نیشاندانێن سه‌رئاڤێ و دژی پێلا، باسكتبۆلا 3×3، نوكه‌دا 33 یاریێن وه‌رزشی دناڤ هه‌ڤڕكیان دا دهێنه كرن و بهێزترین یاریێن ئه‌وان مه‌له‌ڤانی، جومباز، یاریێن گۆره‌پانێ كو رێژه‌كا مه‌زن یا پشكداران ب خوه‌ڤه دگریت.
ئۆلۆمپیادا تۆكیۆ 2020 بێی به‌هرنه‌بوو ژ نه رازیبوونێ، ژبه‌ركو رێژه‌كا مه‌زن یا خه‌لكێ چاپانێ خوه‌پێشاندان دژی رێڤه‌برنا ئۆلۆمپیادێ دا كربوو و هه‌تا نوكه ژی به‌رده‌وامن ژبه‌ر كاودانێن هه‌ستیار یێن جیهان ده‌رباز دكه‌ت ژبه‌ركو ترسا ئه‌وان ڤایرۆسێ كورونایێ ل وه‌لاتێ چاپانێ به‌لاڤبیت، لێ ب هه‌رشێوه‌كێ ئۆلۆمپیاد هاتینه ئه‌نجامدان و هه‌ڤڕكیا ب هێز دناڤ ولاتێن پشكدار د یاریێن جودا دهێنه كرن و پێشبینیا هه‌ڤڕكیێن بهێز دناڤ ولاتێن زلهێز بهێنه‌كرن ژوانا روسیا، ئه‌مریكا، چین و چاپان و چه‌ند هه‌لبژارتیێن دی.
