چاره‌نڤیسێ شه‌ش یاریزانێن ریال مدره‌ید مایه هه‌لاویستی
ئه‌ڤرۆ،
یانا ریال مه‌درید یا ئسپانی راگه‌هاند كو د ڤێ حه‌فتیێ دا دێ چاره‌نڤیسێ شه‌ش یاریزانێن خوه ل گه‌ل راهێنه‌رێ تیما ته‌پا پێی كارلۆ ئه‌نشلۆتی گه‌نگه‌شه‌كه‌ت ژبه‌ركو ئه‌ڤه چه‌ند رۆژه بابه‌ت مایه هه‌لاویستی و بوویه جهێ دلگرانیا ئه‌وان یاریزانان كو پێكهاتینه ژ یێ ویلزی گاریس بێل، یێ چاپانی تاكیفۆسا كۆبا، نه‌رویجی مارتین ئۆدیگارد، دانی سیبایۆس، خیسوس فاییگۆ و یێ سربی لۆكا یۆڤیتچ.
لدیڤ رۆژناما AS یا ب ناڤوده‌نگ ل ئسپانیا دیاركر كو دڤێ حه‌فتیێ دا كارگێریا یانا ریال مه‌درید دێ ل گه‌ل راهێنه‌رێ خوه یێ ئیتالی كارلۆ ئه‌نشلوتی كۆمبیت بۆ دیاركرنا بۆچوونا وی ل سه‌ر ڤه‌گه‌ڕاندنا ئه‌وان هه‌ر شه‌ش یاریزانێن ناڤهاتی كو بشێوێ داخازی بۆ چه‌ند یانێن دی گرێبه‌ست ئیمزاكرینه و پشتی وه‌رزێ وان ب دووماهی هاتی دێ ڤه‌گه‌ڕێنه ریالێ لدیڤ مه‌رجێن گرێبه‌ستا یانا ئسپانی و دیاركر كو دبیت راهێنه‌ر بتنێ هه‌رسێ یاریزان بێل، یۆڤیتچ و ئۆدیگارد بڤێت لێ بڕیارا دووماهیێ نه هاتیه دان.
ژلایه‌كێ دیڤه هه‌مان ژێده‌رێ رۆژنامێ دیاركر كو یانێن ئه‌نتر میلان یا ئیتالی، ئارسنال و لیسته‌ر ستی یێن یا ئنگلێزی و هه‌ردو یانێن ئسپانی سیڤییا و ریال سوسیداد ل سه‌رهێلن بۆ ب ده‌ستڤه‌ئینانا ئه‌وان یاریزانان ب شێوێ قه‌ر و چاڤه‌ڕێ نه گه‌هشتنا رێكه‌فتنێ نه بۆ ب ده‌ستڤه‌ئینانا شیانێن ئه‌وان.
