جه‌گه‌ر دێ كاروانێ خوه یێ وه‌رزشی ب دووماهی ئینیت
زاخۆ،عه‌لی حاجی :
د داخویانیه‌كێ دا كاپتنێ تیما باسكت بۆلا زاخۆ بۆ رۆژناما ئه‌ڤرۆ دیاركر هه‌كه ئه‌و گه‌هشته رێكه‌فتنێ ل گه‌ل یانا زاخۆ دێ بڕیارا خوه هه‌لوه‌شینیت و به‌رده‌وامبیت لێ ئه‌گه‌ر به‌رۆڤاژی نه‌گه‌هشتینه چو رێكه‌فتنان دێ كاروانێ خوه یێ وه‌رزشی ب دووماهی ئینم و گرێبه‌ستێن چو یانا ئیمزا ناكه‌م .
زێده‌تر جه‌گه‌ر عه‌لی گۆت: كاروانێ من یێ درێژ ل گه‌ل یانا زاخۆ تایبه‌تمه‌ندیا خوه هه‌بوویه و ب سه‌ركه‌فتی دبینم ژبه‌ركو من شیایه گه‌له‌ك خزمه‌تێ بۆ یانا خوه بكه‌م و گه‌له‌ك ئاسته‌نگ بوراندینه و هه‌ست پێدكه‌م یانا زاخۆ قه‌ردارێ منه ژ روویێ ماددی ڤه نه‌بتنێ ل سه‌ر ده‌مێ ڤێ كارگێریێ هه‌تا كارگێریێن پێشتر ژی لێ شانازیێ ب وێ مێژوویێ دبه‌م یا من ل گه‌ل یانا خوه توماركری كو ب زه‌حمه‌ته كه‌سه‌ك وه‌كو یاریزان هه‌بیت بشێت ڤێ مێژوویێ بنڤیسیت، د پلانا من دایه كاروانێ خوه یێ وه‌رزشی ب دووماهی بینم سه‌رباری هه‌ست پێ دكه‌م هێشتا دشێم خزمه‌تا یانا زاخۆ بكه‌م .
ناڤهاتی ئه‌وچه‌نده ژی گۆت: هه‌كه ل گه‌ل یانا زاخۆ گه‌هشتمه رێكه‌فتنێ دێ بۆ وه‌رزه‌كێ دیتر ل گه‌ل تیما باسكتۆلێ د خولا ئیراقێ دا به‌رده‌وام بم لێ هه‌كه نه وه‌كو یاریزان دێ ده‌ست ژ یاریێ بۆ هه‌ر یانه‌كێ به‌رده‌م و ئه‌و گرێبه‌ستێن بوو من دهێن ژ هنده‌ك یانێن ئیراقێ ژی ئه‌ز ئیمزا ناكه‌م چونكو دخازم كاروانێ خوه یێ وه‌رزشی ل گه‌ل زاخۆ ب دووماهی بینم.
