به‌یاننامه‌یه‌ك ژ پارتی دیموكراتی كوردستان
ئه‌ڤرۆ:
پارتی دیموكراتی كوردستان، د به‌یاننامه‌یه‌كێ دا ده‌ربارێ دانوستاندنێن د ناڤبه‌را حوكمه‌تا عیراقێ و ویلایه‌تێن ئێكگرتیێن ئه‌مریكا دا سه‌باره‌ت ب به‌رده‌وامبوونا په‌یوه‌ندی و هه‌ڤكاریێن د ناڤبه‌را هه‌ردو ئالیان دا به‌لاڤكر.
ئه‌ڤه ژی ده‌قێ وێ به‌یاننامه‌یێ یه:
ئه‌م وه‌ك پارتی دیموكراتی كوردستان، وه‌كو ته‌ڤایا لایه‌نێن سیاسی و نیشتمانی یێن عیراقێ و گه‌لێ عیراقێ، ب گرنگی ڤه دنێرینه ئاراسته‌یا دانوستاندنێن ستراتیژی د ناڤبه‌را هه‌ردو حوكمه‌تێن عیراقێ و ویلایه‌تێن ئێكگرتی یێن ئه‌مریكا دكه‌ین، ده‌رباره‌ی به‌رده‌وامی دانا په‌یوه‌ندیێن د ناڤبه‌را هه‌ردو وه‌لات و گه‌لان و دوماهی ڤه‌مانا هێزێن هه‌ڤپه‌یمانان دا ل سه‌ر ئاخا وه‌لاتی.
ئه‌م د ده‌مه‌كی دا كو بزاڤ و پێكۆلێن شاندێ حوكمه‌تا عیراقێ د ناڤا وان دا حوكمه‌تا هه‌ریما كوردستانێ ب بلند نه‌رخاند بۆ گه‌هشتن ب رێكه‌تنا دوماهیێ و یا په‌سندكری و راگه‌هاندی ب مه‌به‌ستا دوماهی هاتن ب وێ ره‌وشا ئالۆز و توندوتژیا ل سه‌ر گۆره‌پانا سیاسی یا عیراقێ هه‌ی، ئه‌وێ چه‌ندی دوپات دكه‌ین، كۆ پێدڤیه هه‌موو ئالیه‌ك پێگیری خالێن ئه‌وێ رێكه‌تنێ بن و ب نیازه‌كا پاقژ و دوور بكه‌ڤن ژ توندوتیژیی و تێكدان و ئالوزكرنا ره‌وشێ ل وه‌لاتی دا، بۆ ئه‌وێ چه‌ندێ ب پێكڤه كار بكه‌ین بۆ چه‌سپاندن و به‌رقرار بوونا ئاسایش و ئارامیێ ل عیراقێ و هه‌رێما كوردستانێ و ده‌ڤه‌رێ، پێدڤیه هه‌موو پێگیر بن ب ته‌ڤایا ئه‌و خالێن د چارچۆڤه‌یێ پرنسیپێن رێكه‌تنا ستراتیژی دا ئاماژه پێ هاتینه‌كرن.
پارتی دیموكراتی كوردستان
28\7\2021
