ئه‌و چ تشتێ هه‌ڤپشكه دناڤبه‌را كه‌سێن ب كۆرۆنایێ د مرن؟
هنده‌ك شاره‌زایان دیاركر كو 99% ژ مرنێن ژ ئه‌گه‌رێ ڤایرۆسێ كۆرۆنایێ بو جوره‌كێ مرۆڤان ڤه‌دگه‌رن، ئه‌و چیه؟ و بۆچی كه‌سێن ڤاكسین ژی وه‌رگرتی تووشی كۆرۆنایێ دبن؟
شاره‌زایێن نه‌ته‌وێن ئێكگرتی دیاردكه‌ن” 99% ژ مرنێن كۆرۆنایێ ئه‌و كه‌سن یێن ڤاكسین وه‌رنه‌گرتی، ئه‌ڤ رێژه هێشتا یا بلند دبیت و نه‌خۆش یێ مشه دبن و ل نه‌خۆشخانان دهێنه نڤاندن و مرن ژی جاره‌ك دی یا زێده‌دبیت ب تایبه‌ت پشتی دیاربوونا خوگوهورێ ده‌لتا كو نوكه پتریا تووشبوویێن نه‌ته‌وێن ئێكگرتی ژ وی جوری نه.
ل دووڤ گۆتنێن به‌رپرسێ ساخله‌میا جیهانی، پتریا كه‌سێن نوكه ل نه‌خوشخانان دهێنه نڤاندن و د مرن، ژ ئه‌گه‌رێ وێ چه‌ندێ یه كو ڤاكسین وه‌رنه‌گرتینه.
د.رۆشێل والینسكی، رێڤه‌به‌را كونترولكرنا نه‌خۆشیان و خوپاراستنێ دبێژیت: 97% كه‌سێن ل نه‌خوشخانان دهێنه نڤاندن ڤاكسین وه‌رنه‌گرتیه، ئه‌ڤ پێلا كۆرۆنایێ یا دیاره كو پێلا وان كه‌سانه یێن ڤاكسین وه‌رنه‌گرتی.
ل ده‌ستپێكا مه‌ها تیرمه‌هێ ژی، ئه‌نتونی فاوتشی، مه‌زنه شیره‌تكارێ نۆشداری یێ سه‌رۆكێ ئه‌مریكا گۆتبوو” 99% ژ مرنێن ژ ئه‌نجامێ كۆرۆنایێ د نوكه دا ئه‌و كه‌سن یێن ڤاكسین وه‌رنه‌گرتین”.
