ئێكه‌تیا ته‌پا پێی یا كوردستانێ چالاكیێن وه‌رزێ نوو دیاركر
ئه‌ڤرۆ،
ئێكه‌تیا ته‌پاپێی یا كوردستانێ به‌رنامێ خوه یێ كاری بۆ وه‌رزێ نوو 2021- 2022 یێ خول و قاره‌مانیا ل سه‌ر هه‌موو ئاستان به‌لاڤكر.
پشتی چه‌ندین كۆمبوونێن جودا ل دووماهیێ ئێكه‌تیا ته‌پا پێی یا كوردستانێ به‌رنامێ وه‌رزێ نو یێ چالاكیێن خوه په‌سه‌ندكرن و بڤی شێوه‌یی، خولا پلا نایاب دێ ل 14ێ چڕیا ئێكێ یا بهێت ب شێوێ خول دو قۆناغ هێته كرن، پلا ئێك دێ ل ده‌ستپێكا چڕیا دویێ یا بهێت ب شێوازێ خول ئێك قۆناغ بیت، خولا پلا دو ل چارێ كانوونا دویێ یا سالا 2022ێ لدویڤ شێوازێ كۆمان بۆ پارێزگه‌هێن هه‌رێمێ هێته ئه‌نجامدان، قاره‌مانیا سۆپه‌را كوردستانێ دناڤبه‌را هه‌ر چار یانێن ئێكێ یێن وه‌رزێ بوری د پلا نایاب دا ئه‌وژی برایه‌تی، سیروانی نوو، شێروانه و هندرین كو دێ ل 25ێ هه‌یڤا بهێت ده‌ستپێكێ كه‌ت، خولا فۆتسالا كچان بۆ پلا نایاب دێ ل پێنچێ كانوونا ئێكێ یا بهێت بیت ب شێوێ خول.
ژلایه‌كێ دیڤه دێ قاره‌مانیا كاسا كوردستانێ ب پشكداریا سه‌رجه‌م یانێن پلا نایاب، ئێك، دو بیت ئه‌وا دێ ل پێنچێ چریا ئێكێ یا بهێت هێته ئه‌نجامدان، قاره‌مانیا ئاستێ هه‌لبژارتیێن پارێزگه‌هان بۆ لاوان ل 21ێ ڤێ هه‌یڤێ هاتیه ده‌ستنیشانكرن، بۆ ئاستێ تازه‌پێگه‌هشتیان ل 28ێ هه‌مان هه‌یڤ بیت، خولا لاوان و تازه‌پێگه‌هشتیان دێ لدیڤ شێوازێ خول بیت و گوره‌یی جهێ جۆگراڤی یێن هه‌ر یانه‌كێ دێ سه‌ره‌ده‌ری بۆ هێته كرن و ژڤانێ ده‌ستپێكرنێ ده‌مه‌كێ دی دا دیاربیت، لدووماهیێ دێ خولا تیمێن فێرگه‌ها بۆ یانێن پلا نایاب و ئێك دێ ل پێنچی ئادارا سالا 2022 هێته كرن.
