بزاڤێن ڤه‌گه‌ڕاندنا یانا سێمێلێ بۆ پلا ئێك دهێته كرن
ئه‌ڤرۆ،
ژێده‌ره‌كێ باوه‌رپێكری بۆ رۆژناما ئه‌ڤرۆ دیاركر كو بزاڤێن مه‌زن د هێنه كرن ژبۆ ڤه‌گه‌ڕاندنا تیما ته‌پاپێی یا یانا سێمیلێ بۆ خولا پلا ئێك و دێ لژنه‌ك هێته پێكئینان بۆ چاره‌سه‌ركرنا بابه‌تێ ناكوكی یا ڤێ دووماهیێ یا یاریا تیما وان ل گه‌ل یانا بابان ژ چارچووڤێ قۆناغا هه‌شتێ یا خولا پلا دو به‌ره ب ده‌ربازبوون بۆ پلا ئێكا كوردستانێ.
هه‌مان ژێده‌ری گوت: بۆچوون هوسا دهێته كرن كو دێ ئێكه‌تیا ته‌پاپێی یا كوردستانێ بڕیار دژی دادڤانان و ئه‌وان كه‌سان ده‌ت یێن ئاریشه دناڤ یاریگه‌هێ دا په‌یداكری و دیسان دێ ژمارا یانێن ده‌ربازبوویی بۆ پلا ئێك ژ هه‌شت یانا بۆ ده‌ه یان دونزده یانا زێده‌كه‌ت و یانا سێمێلێ ئێك ژ یانێن پێشنیشاركری نه بۆ ڤێ بابه‌تی ئه‌ڤچه‌نده ژی ژبه‌ر غه‌درا ل تیما سێمێلێ هاتیه كرن كو د هه‌ردو یاریان دا هه‌تا چار گۆلێن دورست نه هژمارتینه هه‌مبه‌ری بڕیارێن خه‌له‌ت ژلایێ دادڤانی دژی یانا سێمێلێ هاتینه دان، ئه‌ڤ بابه‌ته دێ ب رژدی هێته به‌حسكرن و بزاڤێن مه‌زن بۆ ڤه‌گه‌ڕاندنا یانا سێمێلێ دهێنه‌كرن.
بۆ زانین تیما سێمێلێ د قۆناغا هه‌شتێ دا دو یاری هه‌مبه‌ری بابان ئه‌نجامدا بوون یاریا ئێكێ بێی گۆل وه‌كهه‌ڤبوون و یاریا دویێ بابان هه‌تا خوله‌كا 90 یا سه‌ركه‌فتی بوو و سێ خوله‌كێن زێده‌كری مابوون لێ ده‌رئه‌نجامێ نه‌رازیبوونا دناڤ یاریگه‌هێ دا ل سه‌ر بڕیارێن دادڤانی یاری هاتبوو راوه‌ستاندن.
