چێكرنا كێران به‌ر ب كێمیێ ڤه چوویه
زاخۆ، عه‌لی حاجی:
شڤان حه‌داد، ئێك ژ وان گه‌نجایه ل باژێرێ زاخۆ یێ كو ب كارێ چێكرنا كێران رادبیت، د دیداره‌كێ دا بۆ رۆژناما ئه‌ڤرۆ دیاركر كو چێكرنا كێر و بڤران به‌ر ب كێم بوونێ ڤه چوویه و ئێدی كه‌س گرنگیێ ب چێكرنا وان ناده‌ت.
شڤان گۆت: به‌ری دوسالان من ده‌ست ب چێكرنا كێر و بڤران كری یه و هنده‌ك كێران هه‌تا سێ رۆژان مایمه پێڤه هه‌تا كو شیایم چێكه‌م، ژبه‌ر كو كارێ وان یێ ب زه‌حمه‌ته و گه‌له‌ك گرنگه گرنگی ب كارێ ده‌ستیێ كێران بهێته دان ژبه‌ركو ئه‌و ژی هونه‌ره‌كه، به‌لێ یا كو دبیته ئاسته‌نگ د رێیا مه‌دا ئه‌و كه‌ره‌ستێن ئه‌م ب كار دئینن ب ده‌ست مه ناكه‌ڤن و هه‌تا نوكه من چو به‌رهه‌مێن خوه نه‌كرینه د بازاری دا ژبه‌ركو دخازم زێده‌تر كاربكه‌م ژنوو دێ به‌مه بازاری و گه‌له‌كا گرنگه ب رێیا پێشانگه‌هێن تایبه‌ت ئه‌م به‌رهه‌مێن خوه به‌لاڤ بكه‌ین و نوكه دا من لوگۆیه‌كێ تایبه‌ت ب خوه ڤه چێكریه كو هه‌ر كێره‌ك یان بڤره‌كێ ئه‌ز چێدكه‌م وی لوگۆی دانمه سه‌ر، چنكو ئه‌و مافێ منه، هه‌روه‌سا ئه‌و كارێ ئه‌ز دكه‌م كاره‌كێ تایبه‌ت و ب زه‌حمه‌ته ژی.
