بۆ خاترا یاریزانەكێ كوردستانی یونس مەحموود دێ چیتە ئەلمانیا
ژێدەرێن رۆژنامەڤانی ل ئیراقێ دۆپاتی ل سەر هەبوونا بزاڤێن ڕازیكرنا ستێرێ كوردستانی و ڕەڤەندا كورد ل ئۆرۆپا مەروان میرزا ژلایێ فدراسیۆنا فوتبۆلا ئیراقێ ژبۆ پشكداریێ ل گەل هەلبژارتیێ وان بۆ قارەمانییا كۆپا كەنداڤی ئەوا بڕیارە ل 23ێ ئەیلوونێ هەتا شەشێ چریا ئێكێ یا ئەڤ سالە ل وەلاتێ سعۆدیێ بهێتە كرن.
یاریزانێ كوردستانی مەروان میرزا ئەوێ نوكە یاریێ بۆ یانەیا بۆرۆسیا دۆرتمۆند ل بن ژیێ 19 سالی دا دكەت شیایە ئاستەكێ مەزن نیشان بدەت ل گەل یانەیا خوە دیسان هاتییە گازیكرن بۆ هەلبژارتیێ ئەلمانیێ بۆ ژیێن ل بن 17 سالی دا بوویە جهێ حێبەتییا ڕاهێنەرێ هەلبژارتیێ ئیراقێ یێ ئوسترالی گێرهام ئارنۆلد ئەوێ داخواز ژ یونس مەحموود كری ب هەر شێوەیەكی ئەو یاریزانی ڕازیبكەن و بینە دناڤ ڕێزێن هەلبژارتیێ ئیراقێ دا، لەوما هەر بۆ ڤێ یەكێ یوونس مەحموود حەفتییا بهێت دێ چیتە ئەلمانییا ژبۆ ڕازیكرنا یاریزانێ ناڤهاتی.
بۆ زانین مەروان میرزا د ژیێ پێنج سالی دا ل گەل خێزانا خوە ل سالا 2014ێ ژ شنگالێ هاتبوو پارێزگەها دهۆكێ ل دووڤ دا بەر وەلاتێ ئەلمانیا ئاكنجی بوون، د ژیێ 14 سالی دا و هەتا نوكە ل گەل یانەیا برۆسیا دۆرتمۆند بوویە، د ژیێ 16 و 17 سالی دا یاریزانێ هەلبژارتیێ ئەلمانییا بۆ ئاستێ تازەپێگەهشتییان و لاوان یاری كرییە.
