ماندیبون دێ هه‌موو كه‌سان نێزیكی ئارمانجێ كه‌ت
زاخۆ، عه‌لی حاجی:
شه‌عبان حه‌جی، ئێك ژ وان گه‌نجایه یێ كو ئه‌ڤه ده‌مه‌كه د وارێ چێكرنا رێكلامان دا كار دكه‌ت، د دیداره‌كێ دا بۆ رۆژناما ئه‌ڤرۆ دبێژیت: پێدڤی یه گه‌نجێن نوو پێگه‌هشتی د كارێ ئه‌كته‌ریا ریكلامان دا دیوارێ ترس و شه‌رمێ بشكینن و بهێز خوه دیار بكه‌ن، ژبه‌ركو هه‌موو كاران پێدڤی ب ماندی بوونێ هه‌یه.
شه‌عبان گۆت: هه‌ر چه‌نده ده‌مه‌كێ درێژ نینه وه‌كو ئه‌كته‌ره‌كێ ریكلامان ده‌ست ب كاری كری، به‌لێ ڤێ چه‌ندێ ب ده‌ستپێكا خوه دبینم بۆ گه‌له‌ك كارێن باشتر و مه‌زنتر ژبه‌ر كو هه‌موو كه‌سه‌ك پێدڤی یه ژ خالا سفرێ ده‌ست پێكه‌ت دا كو بگه‌هیته ئارمانجێن باش د ژیانێ دا، ئه‌كته‌ری د ریكلامێ دا ده‌روونه‌كێ ئارم ده‌ته من ژبه‌ركو دێم و كه‌سایه‌تیا من یا گونجایه بۆ ڤی كاری و زێده‌باری وێ چه‌ندێ ژی ڤێ ده‌ستپێكێ ب گرنگ بۆ خوه دبینم بۆ پاشه‌روژێ ژی، هه‌ر چه‌نده من ل گه‌ل گرۆپه‌كی ژی كار كری یه به‌لێ هێشا ب دروستی حه‌زا من تێر نه‌كری یه، ژبه‌ركو پێدڤی یه زێده‌تر خوه ماندی بكه‌م هه‌تا كو ب دروستی شیانێن خوه دیار بكه‌م و ئه‌ڤ چه‌نده ژی پێدڤی ب ده‌می یه ژبور كو خه‌ونا من پشكداریێ د فلمێن سینه‌مایی دا بكه‌م.
