ل دهۆكێ ژنه‌ك 56 كه‌سان تووشی كۆرۆنایێ دكه‌ت
رێڤه‌به‌رێ نه‌خۆشخانا كۆرۆنایێ ل دهۆكێ دیاركركو:” ژنه‌ك ل پارێزگه‌ها دهۆكێ بوویه ئه‌گه‌ر 56 كه‌س تووشی كۆرۆنایێ ببن كو گه‌له‌ك ژ تووشبوویێن كورۆنایێ ل دهۆكێ به‌ركه‌فتێن ئێكدونه له‌ورا ئه‌م داخوازێ دكه‌ین تێكه‌لیێن جڤاكی نه‌هێنه كرن”.
د. هه‌كار مسته‌فا، رێڤه‌به‌رێ نه‌خۆشخانا كۆرۆنایێ ل دهۆكێ راگه‌هاندكو:” ئه‌ڤرۆ ل دهۆكێ هه‌تا 200 تووشبوویێن كورۆنایێ دناڤ نه‌خۆشخانه‌یان دا چاره‌سه‌ریێ وه‌ردگرن و ره‌وشا وان یا باش نینه و رێژا تووشبوویێن كورۆنایێ گه‌له‌ك زێده‌بوویه، له‌ورا ژی ل پارێزگه‌ها دهۆكێ پشكه‌ك ژ نه‌خۆشخانا ئازادی ژی بۆ چاره‌سه‌ریا تووشبوویێن كورۆنایێ هاتیه ته‌رخانكرن، داخوازێ ژ خه‌لكێ خوه دكه‌ین هه‌ڤكاربن و تێكه‌لێن جڤاكی نه‌كه‌ن داكو ره‌وش زێده‌تر مه‌ترسیدار نه‌بیت.
د.هه‌كار مسته‌فا گۆت: ل دهۆكێ ژنه‌كێ 56 كه‌س ژمالباتا خوه تووشی كورۆنایێ كرینه و ئه‌ڤه ڤه‌دگه‌ریت بۆ تێكه‌لی و سه‌ره‌دانێن جڤاكی و گه‌له‌ك ژ تووشبوویێن كورۆنایێ یێن بووینه ئه‌گه‌ر هژماره‌كا زۆر وه‌لاتیان تووشی كۆرۆنایێ ببن و هه‌تا حاله‌ت هه‌نه ژی كه‌سه‌ك بوویه ئه‌گه‌ر هه‌موو ئه‌ندامێن خێزانا خوه تووشی كورۆنایێ كرینه و پێدڤیه وه‌لاتیێ زێده‌تر هه‌ڤكاربن وتێكه‌لیێن جڤاكی نه‌كه‌ن و رێنمایێن ساخله‌میێ بۆ به‌رهه‌نگاریا كورۆنایێ بجه بینن”.
