دێرینێ چه‌ندین گرێبه‌ست گران بوها ڕه‌دكرن
ئه‌ڤرۆ، زنار:
ستێرا تیما فۆتسالا ئافره‌تێن دهۆكێ دیاركر وێ گرێبه‌ستا چه‌ندین یانێن مه‌زنێن ئیراقێ و هه‌رێما كوردستانێ ڕه‌دكرن پێخه‌مه‌ت ئافره‌تێن دهۆك و بۆ سالا بهێت ئه‌و دخوازن هه‌ڤركیا خولا فوتسالا كچێن ئیراقێ ژی بكه‌ن.
زێده‌تر كچا باژێرێ كه‌ركووكێ دێرین مه‌حمود د دیداره‌كا تایبه‌ت دا بۆ رۆژناما ئه‌ڤرۆ گۆت: ژبه‌ر وێ گرنگیا وه‌رزێ بوری یا كارگێریا یانا ئافره‌تێن دهۆكێ ل هه‌موو یاریزانان گرتی و شیاین بینه قاره‌مانێن خولا هه‌رێما كوردستانێ بێ دو دلی من گرێبه‌ستا خوه نووكر سه‌ره‌رای چه‌ندین یانێن بهێز وه‌ك جه‌ویه و زه‌ورا و یانێن بهێزێن كوردستانێ گرێبه‌ستێن گران بوها پێشكێش من كرن رازی بم یاریێ بۆ وان بكه‌م ل وه‌رزێ بهێت لێ ژبه‌ركو حه‌زا من بۆ یانا ئافره‌تێن دهۆكێ مه‌زنتربوو و پشته‌ڤانێن ڤێ یانێ من بریارا دا دوباره ل وه‌رزێ بهێت ژی به‌رده‌وام بم.
یاریزانا نافهاتی ئه‌و چه‌نده ژی دیاركر ل سالا بهێت گه‌شبینن ئه‌و دێ دوباره هه‌ڤركیا ناسناڤێ خولا هه‌رێما كوردستانێ كه‌ن بێ هه‌ڤرك ژبه‌ركو تیما وان خودان یاریزانێن ستێره دیسان هه‌تا راده‌یه‌كێ مه‌زن ئه‌و دێ پشكداری خولا فوتسالا ئیراقێ یا كچان ژی بن ئه‌و ل وێ باوه‌ریێ یه دێ شێن ناسناڤێ ڤێ خولێ ژی بده‌ستخوه ڤه ئینن.
