زاخۆ بۆ یاریزانێن خوه: رێگر نابین لێ ده‌ستبه‌رداری بێی به‌رامبه‌ر نینه
ئه‌ڤرۆ،عه‌لی حاجی :
د داخویانیه‌كێدا ئه‌ندامه‌كێ ده‌سته‌كا كارگێریا یانا زاخۆ یا وه‌رزشی بۆ رۆژناما ئه‌ڤرۆ دیاركر هه‌ر یاریزانه‌كێ حه‌زا چوونێ ژ تیما مه یا ته‌پاپێی بۆ یانه‌كا دی هه‌بیت ئه‌و رێگر نینن لێ هه‌مبه‌ری وێ ژی ده‌ستبه‌رداری بێی به‌رامبه‌ر نابیت وه‌كو مافه‌كێ مه یێ یاسایی.
زێده‌تر شڤان عه‌بدی دیاركر ژبه‌ر كو هێشتا ده‌رگه‌هێ ڤه‌گوهاستنێن یاریزانان ل ده‌ڤ ئه‌وان نه‌هاتیه گرتن دێ یاریزان هه‌بن لسه‌ر تیمێ زێده‌كه‌ن و دێ چن له‌ورا رێگریێ ل چو یاریزانێن خوه یێن وه‌رزێ بوری ناگرن هه‌كه نه‌خوازن یاریێ بۆ یانا زاخۆ بكه‌ن لێ ده‌ستبه‌رداربوون ژی بێ به‌رامبه‌ر نا هێته دان وه‌كو مافه‌كێ وان یێ یاسایی و گوت: د پلان دایه تیمه‌كا باش دروستبكه‌ن و هه‌ر ده‌ستپێكێ گرێبه‌ستا هنده‌ك یاریزانێن خوه یێن وه‌رزێ بوری ئیمزاكر ژوانا هێلا گولپارێزیێ كو هه‌رسێ خودان شیانن دو ل گه‌ل هه‌لبژارتیێ ئۆلومپیێ عێراقێ نه و د هێلا به‌ره‌ڤانیێ دا هه‌روه‌سا وان یاریزانێن باش هه‌نه و دێ به‌رده‌وام بن بۆ بهێزكرنا وێ هێلێ و بریاره ئه‌ڤرۆ رۆژا چارشه‌مبێ گرێبه‌ستا یاریزانه‌كێ رومادی و یێ سامه‌را ئیمزا بكه‌ین و چاڤه‌رێیه ل 17ی ڤێ مه‌هێ پیشه‌كارێن وان بگه‌هنه باژێرێ زاخۆ بۆ په‌یوه‌ندیێ ب تیما ته‌پاپێی.
ل دووماهیێ گۆت ژی: ژبه‌ر كاودانێن دارایی مه ئه‌و شیان نینن چو كه‌مپێن ده‌رڤه‌یی وه‌لاتی ب رێكبێخین له‌وما بریار هاتیه دان كه‌مپه‌كێ نافخۆیی ل باژێرێ زاخۆ بهێته دانان و چه‌ند یاریێن هه‌ڤالینی ژی ئه‌نجام ده‌ین و هه‌كه یانێن ئێراقی كه‌مپێن خوه ل هه‌ولێرا پایته‌خت دانان دێ بزاڤێ كه‌ین هنده‌ك یاریێن دی یێن هه‌ڤالینی ئه‌نجامبده‌ت بۆ زێده‌تر مفا وه‌رگرتن كو بشێوه‌كێ بهێز بهێنه دناڤ هه‌ڤڕكیێن خولێ دا.
بۆ زانین یانا زاخۆ گرێبه‌ستێن نوو ل گه‌ل هه‌ر ئێك ژ یاسر قاسم یاریزانێ به‌رێ یێ هه‌لبژارتیێ ئیراقێ، مسته‌فا عه‌زاب گۆلپارێزێ یانا ناسریه، راهێنه‌رێ جه‌سته‌یی یێ به‌رازیلی رۆدرێگۆ ئه‌لمێدا، و هه‌رئێك ژ ئه‌مجه‌د وه‌لید، محه‌مه‌د جه‌واد، محه‌مه‌د شاكر و ییێ پیشه‌كارێ به‌رازیلی هیلیۆ مۆنتێرۆ
