ل به‌ر ده‌ستێ خالێ خۆ فێری سترانگۆتنێ بوویه
دهۆك، شاكر ئه‌تروشی:
نایف حه‌مۆ، سترانبێژێ به‌رنیاسێ كوچكودیوانان، د دیداره‌كێ دا بۆ رۆژناما ئه‌ڤرۆ دیاركر كو ئه‌و ل به‌ر ده‌ستێ خالێ خۆ سترانبێژێ ناڤدار( محه‌مه‌د پیرۆ) ی فێری سترانگۆتنێ بوویه و نوكه دشێت سترانێن پرانیا ده‌ڤه‌رێن كوردستانێ بێژێت، ب تایبه‌ت ژی یێن ئومه‌ری و شنگاریان.
نایف، كو ژدایكبوویێ سالا (1969) یه زێده‌تر گۆت: ده‌مێ ئه‌ز یێ بچووك ل دیوانا خالێ خوه یێ خودێ ژێ رازی محه‌مه‌د پیرۆی درونشتم، ب تایبه‌ت ت ژی ده‌مێ ستران دگۆتن و ب بۆرینا ده‌می سترانێن وی هه‌روه‌سا یێن ره‌مه‌زان عه‌لی ژی گه‌له‌ك كارتێكرن ل من كر، له‌ورا من ژی ده‌ست ب سترانگۆتنێ كر و هه‌تا نوكه نێزیكی پازده ئه‌لبۆمێن سترانێن فولكلۆری من تۆمار كرینه، لێ وه‌ك كلیپ هه‌تا نوكه ده‌لیڤه نه‌بوویه، لێ د به‌رنامێ من دا هه‌یه هه‌كه پشته‌ڤانیا من بكه‌ن دێ هنده‌ك كلیپان ژی چێكه‌م.
ل دووماهیێ گۆت: هژماره‌كا زۆرا رادیۆ و ته‌له‌فزیۆنان ئه‌ز مێهڤانێ به‌رنامێن خوه كریمه، هه‌روه‌سا من پشكداری د سه‌دان شه‌ڤبێری و مێڤانداریێن تایبه‌ت دا كریه و هه‌تا به‌رێ سپێدی ستران بۆ وان گۆتینه، لێ پشتی هاتنا كۆرۆنایێ ئه‌و هه‌وو نه‌مان، و ژیلی من ل مالا مه كوڕێ من (هه‌یاف) لێده‌رێ سازێ یه و سترانا ژی دبێژیت، كوڕێ دی (ئه‌یاد) ژی سترانبێژه، لێ ئه‌و هه‌ردو سترانێن فولكلۆری و یێن هه‌ڤچه‌رخ ژی دبێژن.
