شاهجوانا عیراقێ خزمه‌تا تووشبوویێن كۆرۆنایێ ل دهۆكێ دكه‌ت
دهۆك، له‌زگین جوقی:
كچه‌كا كوردا ئێزدی كو به‌ری نوكه د به‌ریكانا شاهجوانا عیراقی دا پلا سێیێ وه‌رگرت بوو، نوكه خزمه‌تا تووشبوویێن كۆرۆنایێ ل نه‌خۆشخانا كۆرۆنایێ ل پارێزگه‌ها دهۆكێ دكه‌ت.
گولیستان گرۆ، ئه‌و كچه بۆ ئه‌ڤرۆ گۆت: نوكه وه‌كو كارمه‌ند ل كه‌رتێ ساخله‌میێ دناڤ نه‌خۆشخانا كۆرۆنایێ دا خزمه‌تا تووشبوویان دكه‌م، و باوه‌ری ب خوه بوون هه‌موو تشته ئه‌ز ب خوه په‌رستارم من پشكداری د به‌ریكانا شاهجوانا عیراقی دا كربوو بوومه یاسێیێ ل سه‌ر ئاستێ عیراقێ و شاهجوانا ئێكی ل سه‌ر ئاستێ هه‌رێما كوردستانێ و من دڤیت دناڤ نه‌خۆشخانێ دا خزمه‌تا ملله‌تێ خوه بكه‌م و دخوازم خه‌لكێ مه هه‌موو ڤاكسینێ وه‌ربگرن داكو ژ ڤێ نه‌خۆشیێ بهێنه پاراستن، هه‌روه‌سا د پرۆژێ من دایه پشته‌ڤانیا كچ و ژن وزارۆكیێن رزگاربوویێن ده‌ستێ تیرۆرستێن داعش بكه‌م.
