150 ملیۆن یۆرۆ بۆ مپابی هاتینه به‌رهه‌ڤكرن
ئه‌ڤرۆ،
یانا ریال مه‌درید یا ئسپانی رژده ل سه‌ر بزاڤێن خوه بۆ ئینانا ستێرا پاریس سانجێرما یا فره‌نسی كێلیان مپابی به‌ری ب دووماهی هاتنا ڤه‌گۆهاستنێن هاڤینێ ئه‌وا دێ ل 31ێ ڤێ هه‌یڤێ هێته دائێخستن.
رۆژناما لیكیب یا فره‌نسی دیاركر كو یانا ریال مه‌درید 150 ملیۆن یۆرۆ به‌رهه‌ڤكرینه و چاڤه‌ڕێ یه هه‌تا دووماهیا ڤێ هه‌یڤێ یانا پاریس سانجێرمان رازی بكه‌ت بۆ ڤه‌گۆهاستنا مپابی هه‌مبه‌ری وێ یاریزانێ ناڤهاتی حه‌زا چوونێ دكه‌ت پشتی گرێبه‌ست ل گه‌ل لیۆنێل مێسی هاتیه ئیمزاكرن لێ ماوریسیۆ بۆتچینیۆ راهێنه‌رێ سانجێرمانێ رازی نینه ئه‌ڤ گرێبه‌سته بهێته كرن، دهێته چاڤه‌ڕێكرن ل دووماهیا ڤێ حه‌فتیێ بریكارێ ستێرا فره‌نسی ل گه‌ل یانا پاریسێ كۆمبن ژبۆ ئێكلاكرنا مانا وی ل گه‌ل یانێ یان چوون بۆ ئسپانیا بیت و دیاركر كو سه‌رۆكێ یانا ریال مه‌درید فلورنتیۆ پێرێز رژده ب هه‌ر شێوه‌كێ مپابی ڤه‌گۆهێزیت و هه‌تا سالا بهێت ژی چاڤه‌ڕێ بیت.
ژلایه‌كێ دیڤه ریال مه‌درید به‌رهه‌ڤی بۆ فرۆتنا یاریزانێ خوه یێ هێلا ناڤین مارتن ئۆدیگارد بۆ ئارسنال دكه‌ت ب كۆژمێ 50 ملیۆن یورویا لێ چو پێنگاڤا نا هاڤێژیت ئه‌گه‌ر مپابی نه هاته ریال مه‌دریدێ.
