هونه‌رمه‌نده‌كێ دهۆكی مژوولی چێكرنا تابلۆیێن ترۆمبێلانه
دهۆك، شاكر ئه‌تروشی:
هونه‌رمه‌ند (جه‌میل محه‌مه‌د سه‌بری) د دیداره‌كێ دا بۆ رۆژناما ئه‌ڤرۆ گۆت: ژبۆ پتر رێكخسن و جوانكرن و بساناهیكرنا كارێ هاتن و چوونێ و پتر مفا وه‌رگرتن ژ گوهۆرینا تابلۆیین ترۆمبێلێن كوردستانێ، ده‌مه‌كه كاری ل سه‌ر دیزاینكرنا جۆره‌كێ نوو یێ تابلۆیان دكه‌م ب دوو شێوازان، لێ شێوازه‌ك ب ساناهی تره بۆ رێڤه‌به‌ریا هاتن وچوونێ كو نوكه ژمارا ل سه‌ر تابلۆی زۆر درێژ بوویه و گه‌هشتیه شه‌ش هژماران، یان هژمارا وان دێ شیێن كونترۆلێ ل سه‌ر درێژبوونا ژمارێ كه‌ین و زۆر مفایێن دی هه‌نه، كو ئه‌و ژی رێگرتن ل دریژبوونا هژمارا ب زیده‌كرنا پیتان، ل ده‌ستپێكا هه‌ر ژماره ئێك هه‌تا دگه‌هیته شه‌ش، بڤێ چه‌ندێ رێڤه‌به‌ریا هاتن و چوونێ دێ شێت به‌رده‌وام هژمارێن جوان یان كورت بۆ خوه فرۆشیت و ئه‌ڤه مفایه بۆ رێڤه‌به‌ریێ بتنێ ل گه‌ل گوهۆرینا پیتێ بۆ نموونه هژماره (1) پیتا ئه‌ی و یێن دی ژی هه‌روه‌سا.
زێده‌تر گۆت: دڤێ دیزاینا نوو دا نافێ ئێراق ل سه‌ر نابیت، بتنێ كودێ وه‌لاتی كو دبیته ئای كیو ب ئنكلیزی، و دیمه‌نه‌كێ جوانتر دێ ده‌ته ترۆمبێلێ و باژێری و تابلۆ دبنه ئنگلیزی و ب ساناهی تره بۆ هاتن و چوونا ژده‌رڤه، و رێڤه‌به‌ریا هاتن و چوونێ دێ شێت ڤان تابلۆیان فرۆشیت ب پاره‌كێ ره‌مزی، ئانكو ناڤنجی، چونكو دێ شێت مفای ژ فرۆتنا تابلۆیێن جوان وه‌رگریت و شێوازێ دویێ دڤێت ژماره بهیته كورتكرن و دێ شێوازێ ژماره ئێك بساناهی تر بیت كو مه دیاركری.
