ماكینی ناكوكیێ د ناڤبه‌را یۆڤانتۆس و بایرن میونخێ دا په‌یداكر
ئه‌ڤرۆ،
ستێرا ته‌پا پێی یێ ئه‌مریكی و یانا یۆڤانتۆس یا ئیتالی وێستۆن ماكینی ناكوكیی دناڤبه‌را یانا خوه و بایرن میونخ په‌یداكر پشتی دیداره‌كێ دا بۆ رۆژناما تۆتۆ سپۆرت یا ئیتالی دیاركری كو ئه‌و یێ نێزیكی گرێبه‌ستا خولا بۆندسلیگایێ یه ل یانا بایرن میونخ یا ئه‌لمانی ئیمزابكه‌ت، پشتی یانا باڤاری بشێوه‌كێ تاكه لایه‌ن ل گه‌ل یاریزانی ریكه‌فتی بۆ رازیكرنا وی.
هه‌رچه‌نده ماكینی ل وه‌رزێ بوری ژ یانا شالكه یا ئه‌لمانی هاتبوو یۆڤانتۆسێ لدویڤ راپۆرتێن رۆژنامه‌ڤانی كو ئه‌و یاریزان نه یێ ئارامه حه‌ز دكه‌ت ڤه‌گه‌رێته بۆندسلیگایێ ئه‌ڤچه‌نده یانا بایرن میونخ كه‌یفخووش كریه لێ یۆڤانتۆس تۆره‌بوویه ژبه‌ركو گرێبه‌ستا یاریزانێ ئه‌مریكی هه‌تا وه‌رزێ بهێت به‌رده‌وام بیت ویانا ئه‌لمانی بێی ڤه‌گه‌ریانا یانا ئیتالی بزاڤێن رازیبوونا وی كریه له‌ورا یۆڤانتۆسێ وه‌كو مه‌رجه‌ك 30 ملیۆن یورۆ داخواز دكه‌ت ژبۆ ده‌ست به‌رداریا وی، هه‌رچه‌نده بزاڤێن یانا ئیتالی دڤێت یاریزانێ ئه‌مریكی ب كاربینت بۆ شێوازێ پێگوهۆرینا وی ب یاریزانێ تۆتنهام تانجی ندۆمبێلی.
