موه‌فه‌ق رۆشدی: هیڤیا من ئه‌وه ئه‌م شیابین خزمه‌ته‌كا بچووك ژی پێشكێشی دراما كوردی بكه‌ین
دهۆك، شاكر ئه‌تروشی:
پازده خه‌له‌كێن نوو ژ زنجیره دراما (ته‌حل و شرین) هاتنه تۆماركرن و ل به‌ره د هه‌یڤا بهێت دا بهێنه نیشادان، نوكه به‌رهه‌ڤی یێن دهێنه كرن بۆ تۆماركرنا سێزده خه‌له‌كێن دی و دبیت ل هه‌یڤا ده‌ه ده‌ست ب وێنه‌كرنا وان بهێته كرن، ئه‌ڤ زنجیره دراما ب پشته‌ڤانیا كه‌نالێ وار دهێنه چێكرن.
موه‌فه‌ق رۆشدی، ده‌رهێنه‌رێ وێ زنجیرێ بۆ ئه‌ڤرۆ دبێژیت: خه‌له‌كێن ڤێ جارێ ژی هه‌ر ژ نڤیسینا (سه‌عید مه‌حمود) ن، كو كورده‌كێ رۆژئاڤایێ كوردستانێ یه، هه‌ر خه‌له‌كه‌ك بابه‌ته‌كێ جوودایه، ئانكو ناڤه‌رۆكا وان چو په‌یوه‌ندی ب هه‌ڤدوڤه نینن، ده‌مێ هه‌ر خه‌له‌كێ بیست هه‌تا سیه خوله‌كانه، ل به‌ره د هه‌یڤا ئیلۆنێ دا ل سه‌ر شاشا كه‌نالێ ناڤبری بهێنه نیشادان، به‌ری نوكه ده‌ه خه‌له‌كه هاتبوونه چێكرن و نیشادان، ل گه‌ل یێن نوكه دێ بنه بیست و پێنج خه‌له‌كه، هه‌روه‌سا د به‌رنامه‌ی دا یه د سیزنێ نوو دا سێزده خه‌له‌كێن دی بهێنه تۆماركرن و مه بزاڤا كری ڤێجارێ پتر خوه ب وه‌ستینین دا بینه‌رێن خوه رازی بكه‌ین.
ناڤهاتی گۆت: هه‌موو ئه‌كته‌ر یێن دهۆكێ نه، به‌س كچه‌ك ژ رۆژئاڤایێ كوردستانێ یه، ئه‌كته‌رێن پشكدار(سیروان گۆیی، كاروان جه‌رگیس، حه‌یده‌ر بامه‌رنی، فه‌خره‌ددین تاها، نه‌عیما زاخۆیی و مهاباد ئیبراهیم) و بۆ جارا ئێكێ ژی كچه‌كه‌كا دی ژ دهۆكێ ب ناڤێ (زۆزان خدر) یا پشكداره و دهنده‌ك خه‌له‌كان دا من ب خوه ژی ئه‌كته‌ریا یا كری، و هونه‌رمه‌ند (عه‌مه‌ر تۆڤی) پرۆدوسه‌رێ زنجیرێ یه و هیڤیا من ئه‌وه ئه‌م شیابین هه‌كه خزمه‌ته‌كا بچووك ژی بیت مه بۆ دراما كوردی پێشكێش كربیت.
