بۆ هه‌ردو ده‌زگه‌هێن رووداو و گاڤ
شڤان محه‌مه‌د
ئه‌ڤێ جارێ بابه‌تێ شه‌رێ دناڤبه‌را دو تیمێن مللی یێن بیوك و كه‌له‌كچی ئه‌وێن پشكدار د قاره‌مانیا خولا ئاكرێ دا برێكا میدیایا وه‌رزشی كه‌ڤتنه لبه‌ر گه‌ز و مقه‌سێن مه ئه‌وژی پشتی كو ده‌زگه‌هێن راگه‌هاندنێ ئه‌و بزاڤكری كو ڤێ روودانێ بۆ بینه‌رێن خوه ڤه‌گوهێزت لێ كه‌ڤتنه شاشیێن نوچه‌سازی یێن سار و ده‌ستپێكی.
ره‌خنا ئێكێ بۆ تورا میدیایی یا رووداو كو ده‌سته‌كا وێ یا وه‌رزشی كه‌ڤته شاشییا مانشێته‌كێ مه‌زن كو تێدا دیاركربوو شه‌ر دناڤبه‌را پشته‌ڤانێن دو یانه‌یان دا روودایه و یا دورست دو تیمێن مللی بوون، لێ پشتی بسه‌ر شاشییا خوه هه‌لبووین مانشێتێ خوه گوهارت لێ قوبحه‌تا مه‌زن دناڤه‌رۆكێ دا هه‌ر وه‌كی خوه مایه و چو جێوازی نه ئێخستیه دناڤبه‌را تیمێن مللی و یانه‌یا دا و دبیت ئه‌ڤ نوچه‌سازه هه‌ر نه‌زانبیت كو بابه‌ت چییه یان ژی شاشییا په‌یامنێری بیت كو بابه‌ت دورست نه گه‌هاند بیتێ و به‌لگه‌ژی دیاره دناڤ وێنێ دا.
هه‌مان شاشی نوچه‌سازێن سوشیال میدیایا گاڤ كه‌ڤتنێ ده‌مێ جێوازی نه‌ئێخستییه دناڤبه‌را یانه و تیمێن مللی دا كو هه‌ردو تیمێن بیوك و كه‌له‌كجی نه یانه نه و په‌یامنێرێ وان گه‌له‌ك جاران ژی ب یانه بناڤكرن و مانشێتێن وان دا ئه‌ڤ شاشییه دۆباره‌بوویه و دبیته كاره‌ساتا مه‌زن د دارێتنا نوچه‌یێ وه‌رزشی دا و ئه‌و كه‌سێ بابه‌ت دارێتی یان چو ژ وه‌رزشی ناكه‌هیت یان ژی خه‌مساری ژلایێ وی ڤه هاتییه كرن و به‌لگێ مه ل دو سێ جهان دیاربوویه و هه‌ر بزاڤا راستڤه‌كرنا وان ژی نه‌كرییه و ڤیابا هه‌ر چنه‌بیت چاره‌ك هاتبا دیتن.
ئه‌ڤجاره بسلامه‌تی ده‌ربازبوو لێ جارا بهێت دێ ره‌خنێ دژوارتر لێكه‌ین داكو راست ببیت و نه بوو شكاندنێ یه به‌لكو ژبۆ هندێ یه داكو بدورستی پره‌نسیپ و تیگه‌هێن رۆژنامه‌گه‌رییا وه‌رزشی بهێنه به‌لاڤكرن .
