دو ستران ب دایك و بابێ خوه گۆتیه
سلێمانیێ، عهزیز ههورامی:
سترانێژ (ئاریان فهرج) د دیدارهكێ دا بۆ رۆژناما ئهڤرۆ دیاركر كو ل چهند رۆژێن بۆری وی چار سترانێن نوو تۆماركرینه و ل نێزیك دێ بهلاڤ كهت، ههروهسا سترانهكا تایبهت ژی بۆ دایك و بابێ خوه گۆتیه.
ئاریانی گۆت: چار سترانێن من یێن نوو ژ پهیڤ و ئاوازێن (د. زانا ئهحمهد) ن، كارێ مۆزیكێ ژی ژلایێ (شادیمان نامۆ) بۆ هاتیه كرن، سترانهك ژوان هاتیه كرن، دو یێن دی ژی كو ئێك من بۆ بابێ خوه گۆتیه، یا دویێ بۆ دایكا خوه دهمێ دهێنه وێنهكرن دێ وانژی بهلاڤ كهم و ب دیتنا من هندهك كهنالێن نافخوهی ههنه باشتر ژ یێن عهسمانی، چنكو یێن نافخوهی پتر گرنگیێ ب سترانێن مه ددهن، بۆ زانین من نێزیكی بیست كلیپان ههنه، هندهك تایبهتن ب ههلكهفت و بیرهوهریان ڤه، ئهو ل وی دهمی دهێنه نیشادان، من ستران ب گهلهك زارا گۆتینه، ژوانا ب ههورامی ژی چنكو دایكا من ههورامی یه، و ب راستی ژی گۆتنا سترانێن ههورامی گهلهكا ب زهحمهته و ههكه سترانبێژ باش یێ شارهزا نهبیت دهرحهق گۆتنا وان دهر ناكهڤیت.