كاودانێن نه‌خۆش ئه‌و كره مۆزیكژه‌ن
دهۆك هه‌رهین محه‌مه‌د:
بلند ئامێدی، لێده‌رێ ئامیرێ سازێ، د دیداره‌كێ دا بۆ رۆژناما ئه‌ڤرۆ گۆت: دایك و مۆزیك و وه‌لات ل ده‌ف من هه‌موو تشتن، ئانكو ژیانه و گه‌له‌ك یا گرنگه مۆزیكژن ئه‌كادیمی بیت چنكو دێ شێت پتر داهێنانا د مۆزیكێ دا كه‌ت و یێ ئاماده مه ل پاركا نه‌ورۆز، یان ئازادی مۆزیكێ بژه‌نم و خه‌لك خۆشیێ ژێ بینت و چو شه‌رم دڤێ چه‌ندێ دانینه و هه‌كه ڤێ چه‌ندێ بكه‌م دێ بۆ وه‌لاتێ خوه كه‌م بێ به‌رامبه‌ر و د به‌رنامێ من دایه هه‌تا كو ئه‌ڤ كاودانه ده‌ربازبن ل پاركا ئازادی و یا نه‌ورۆز مۆزیكێ بژه‌نم دا كو گه‌له‌ك كه‌سێن دی ژی چاڤلێكرنا من بكه‌ن و مۆزیكێ ل جهێن گشتی ب ژه‌نن وه‌كو وه‌لاتێن بیانی.
بلندی گۆت: من دو ساز هه‌نه، سازا كاره‌بێ و باغله‌مه و گه‌له‌ك جاران من كاره‌كێ گرێدایی مۆزیكێ كریه و من خوارن نه‌خاریه و بتنێ ئه‌و تشتێ من دڤیایی بگه‌همێ، چونكو مۆزیك و ئامیرێ من ل گه‌ل من دژین و نه‌شێم چو جاران ژمۆزیكێ و سازا خوه دووركه‌ڤم، چونكو هنده‌ك كاودانێن نه‌خۆش ب سه‌ر من داهاتن و ئه‌ز كرمه مۆزیكژه‌ن و نابیت هه‌ر كه‌سه‌كێ ئامیره‌ك هه‌لگرت بێژیت ئه‌ز مۆزیكژه‌نم، چونكو مۆزیك ده‌ریایه‌كا مه‌زنه و كه‌س نه‌شێت ب دووماهی بینت و گه‌له‌ك جاران ژی ئه‌ز خوه نادانم مۆزیكژه‌ن.
